"قریش" کے نسخوں کے درمیان فرق

* اول: بعض نے کہا ہے کہ پیغمبرؐ کے جد ’’فھر‘‘ کا لقب تھا۔ لہٰذا ان کی اولاد کو ان سے نسبت دی گئی ہے۔ <ref>ابن جوزی، المنتظم، 1412ق، ج2، ص226۔</ref>  

* دوم: بعض نے کہا ہے کہ ’’قریش نضر بن کنانہ‘‘ کا لقب تھا۔ لہٰذا ان کی اولاد اور نسل پر اس کا اطلاق کیا گیا ہے۔ <ref>ابن جوزی، المنتظم، 1412ق، ج2، ص228۔</ref> نضر کو اس اعتبار سے بھی قریش کہا جاتا تھا کہ وہ ضرورت مندوں کو تلاش میں رہتے تھے چونکہ تقریش کا معنی ’’تفتیش(تلاش)‘‘ ہے اس لیے ان کا لقب قریش ہو گیا۔ <ref>ابن جوزی، المنتظم، 1412ق، ج2، ص228-229۔</ref>  

* سوم: کہا جاتا ہے کہ ’’قرش‘‘ کا معنی ’’کسب‘‘ ہے چونکہ قریش کا کام کھیتی باڑی نہیں تھا اور ان کا پیشہ تجارت تھا، اس لیے یہ لقب ان سے مخصوص ہو گیا۔ <ref>یاقوت حموی، معجم البلدان، 1995م، ج4، ص337؛ بلاذری،انساب الاشراف، 1996م، ج11، ص80۔</ref>  

* چہارم: بعض نے کہا ہے کہ قریش کا معنی ادھر اُدھر سے جمع ہونے والے ہیں۔ قریش کو قریش کہنے کی وجہ یہ ہے کہ جب قصی بن کلاب کا مکہ پر غلبہ ہوا تو انہوں نے مکہ کے اطراف میں بکھرے ہوئے مختلف خاندانوں کو اکٹھا کیا اور انہیں مکہ میں رہنے کیلئے جگہ فراہم کی۔ <ref>یاقوت حموی، معجم البلدان، 1995م، ج4، ص336۔</ref>  

قریش سے پہلے [[کعبہ]] کے انتظام کی ذمہ داری [[قبیلہ خزاعہ]] کے پاس تھی۔ <ref>مقدسی، البدء و التاریخ، مکتبۃ الثقافۃ الدینیه، ص126۔</ref> ان دنوں قریش مکہ کے مضافات میں رہتے تھے اور کعبہ کے معاملات میں حصہ نہیں لیتے تھے۔ کچھ عرصے کے بعد قصی بن کلاب مکہ میں ساکن ہو گئے اور قبیلہ خزاعہ کی بڑی بیٹی کیساتھ رشتہ ازدواج میں منسلک ہو گئے۔ قصی نے آہستہ آہستہ کعبہ کے معاملات کو اپنے ہاتھ میں لے لیا اور بنی کنانہ اور قریش کو اپنا معاون مقرر کیا۔ <ref>ابن سعد، الطبقات الکبری، 1410ق، ج1، ص56؛ یعقوبی، تاریخ یعقوبی، دار صادر، ج1، ص238-239۔</ref>  

وہ ہر سال گرمیوں اور سردیوں میں دو تجارتی سفر کرتے تھے کہ جن کی طرف [[قرآن]] نے اشارہ کیا ہے۔ البتہ پہلے ان کی تجارت مکہ کے اندر تک محدود تھی۔ غیر عرب تاجر ان سے اشیا خریدتے تھے اور ہمسایہ ممالک میں جا کر فروخت کرتے تھے۔ <ref>یعقوبی، تاریخ یعقوبی، دارصادر، ج1، ص242۔</ref> آخرکار ہاشم بن عبد مناف نے قریش کی شام اور یمن کیساتھ تجارت کی داغ بیل ڈالی۔ ہاشم نے شام کے بادشاہ سے [[شام]] کے شہروں میں تجارت کی اجازت لی۔ پھر ان کے بھائی عبد الشمس حبشہ کے حاکم سے تجارت کی اجازت لینے میں کامیاب ہوئے اور عبد مناف کے سب سے چھوٹے بیٹے نوفل بن عبد مناف نے بھی [[عراق]] کا سفر کر کے کسریٰ سے عراق میں تجارت کا اجازت نامہ دریافت کیا۔ <ref>بلاذری،انساب الاشراف، 1996م، ج1، ص59۔</ref>  

تاریخ اسلام کے بعض مآخذ کی بنا پر قریشی پہلے [[حضرت ابراہیم]] کے دین یعنی [[دین حنیف]] پر کاربند تھے۔ مگر آہستہ آہستہ اس سے دور ہو گئے۔ اس کے باوجود دین ابراہیم کے بعض احکام و آداب اسی طرح باقی رہے مگر ان میں بھی تبدیلیاں اور بدعتیں ایجاد کر دی گئیں۔ منجملہ ان بدعتوں میں سے ایک [[عرفہ میں وقوف]] کا ترک ہے۔ <ref>{{حوالہ درکار}}</ref>  

قریشی جانتے تھے کہ [[عرفہ]] میں وقوف دین [[ابراہیمؑ]] کے احکام میں سے ہے مگر اس کے باوجود انہوں نے خود اسے ترک کر دیا جبکہ دوسرے عربوں پر اسے واجب قرار دیا ور کہنے لگے: ہم ابراہیمؑ کی اولاد، اہل حرم، کعبہ کے خادم اور مجاور ہیں؛ ہمارے لیے سزاوار نہیں ہے کہ حرم سے خارج ہو کر غیر حرم کا حرم کی مانند احترام کریں۔ ان کا خیال یہ تھا کہ اس کام سے ان کا عربوں کے نزدیک مقام کم ہوتا ہے۔ <ref>ابن حبیب بغدادی، المنمق، 1405ق، ص127۔ </ref>  

یہ لوگ حرم سے باہر کے لوگوں کو پابند کرتے تھے کہ اپنی اشیائے خوردونوش حرم کے اندر نہ لائیں اور اہل حرم کے کھانے تناول کریں، [[طواف]] کے موقع پر اہل مکہ کا قومی اور مقامی لباس پہنیں اور اگر کوئی اسے خریدنے کی طاقت نہ رکھتا ہو تو پابرہنہ طواف کرے۔ <ref>ابن هشام، السیرۃ النبویۃ، دارالمعرفۃ، ص129؛ ابن سعد، الطبقات الکبری، 1410ق، ج1، ص59۔ </ref>

یہ بدعتیں خاص طور پر عام الفیل کے بعد زور پکڑ گئیں کہ جس میں اللہ تعالیٰ نے ابرہہ کے لشکر کو تہس نہس کر دیا تھا؛ چونکہ اس واقعے کے بعد کعبہ اور قریش کا مقام عربوں کی نگاہ میں بڑھ گیا۔ عرب کہتے تھے: یہ قریش اللہ والے ہیں کیونکہ خدا نے ان کا دفاع کیا اور ان کے دشمنوں کو نابود کیا۔ <ref>ابن هشام، السیرۃ النبویۃ، دارالمعرفۃ، ص129؛ ابن سعد، الطبقات الکبری، 1410ق، ج1، ص59۔</ref> وہ لوگ اعمال [[حج]] کی ادائیگی کے دوران:

مکہ کے لوگ آئین [[اسماعیل]] پر باقی تھے مگر [[عمرو بن لحی خزاعی]] نے اسے تبدیل کر دیا۔ شام کے علاقے بلقاء کی جانب ایک سفر کے بعد وہ کچھ بت مکہ لے آیا اور مکہ میں بت پرستی کی ترویج کرنے لگا۔ <ref>ابن کلبی، الاصنام، 1421ق، ص8۔</ref>   

* ’’ہبل‘‘ کو سرخ عقیق سے انسانی شکل میں بنایا گیا تھا اور کعبہ کے اندر کا سب سے بڑا بت شمار ہوتا تھا۔ <ref>ابن کلبی، الاصنام، 1421ق، ص27-28۔</ref>  

* اساف اور نائلہ بھی قریش کے دو بت تھے اور وہ اس کی پرستش کرتے تھے۔ یہ دونوں بت مسخ شدہ پتھر کی شکل میں تھے۔ قریش نے انہیں کعبہ کے سامنے لوگوں کی نصیحت کیلئے رکھا ہوا تھا۔ <ref>ابن کلبی، الاصنام، 1421ق، ص 9 و 29؛ ابن هشام، السیرۃ النبویۃ، دار المعرفۃ، ص82۔</ref>  

* منات بھی ان بتوں میں سے تھا کہ جسے دیگر عربوں کے علاوہ قریش بھی لائقِ احترام سمجھتے  تھے۔ <ref>ابن کلبی، الاصنام، 1421ق، ص13۔</ref>  

اس کے باوجود قریش میں سے کچھ لوگ ایسے بھی تھے کہ جو بت پرستی میں ملوث نہیں تھے اور [[دین حنیف]] کے پیرو تھے یا نصرانی ہو گئے تھے۔ اس کے علاوہ قریش میں اور بالخصوص بنی ہاشم کے خاندان میں آئین ابراہیمؑ کے پیروکار موجود تھے۔ [[ورقہ بن نوفل]] ان شخصیات میں سے تھا کہ جس نے بت پرستی چھوڑ کر [[مسیحیت]] اختیار کر لی تھی۔ <ref>ابن قتیبۃ، المعارف، قاهره، ص59۔</ref> زید بن عمرو بن نفیل نے بھی بت پرستی چھوڑ دی تھی اور دین کی تلاش میں تھا یہاں تک کہ اسے شام میں عیسائیوں نے قتل کر دیا۔ <ref>ابن قتیبۃ، المعارف، قاهره، ص۵۹؛ یعقوبی، تاریخ یعقوبی، دارصادر، ج۱، ص۲۵۷.</ref>  

پس ہر گروہ نے دوسرے کے خلاف عہد و پیمان باندھ لیا۔ عبد مناف کے حامیوں نے اپنے ہاتھ عطر کے ایک برتن میں ڈال کر کعبہ سے مس کیے اور اپنی ثابت قدمی کا یقین دلایا۔ اس کے جواب میں عبد الدار کے حامیوں نے بھی اپنے ہاتھ خون کے ایک برتن سے تر کر کے کعبہ کی دیوار پر ملے اور قسم کھائی کہ اس وقت تک سرتسلیم خم نہیں کریں گے اور آرام نہیں کریں گے کہ جب تک کامیاب نہ ہو جائیں۔ <ref>ابن هشام، السیرۃ النبویۃ، دار المعرفۃ، ص131-132؛ بلاذری،انساب الاشراف، 1996م، ج1، ص56۔</ref> البتہ آخرکار دونوں فریقوں نے صلح پر رضامندی ظاہر کر دی اور مکہ کے عہدوں کو آپس میں تقسیم کر لیا۔<ref>ابن هشام، السیرۃ النبویه، دار المعرفۃ، ص132؛ بلاذری،انساب الاشراف، 1996م، ص56۔</ref>   

اس معاہدے کا سبب یہ تھا کہ یمن کے بنو زبید کا ایک آدمی مکہ آیا اور [[عاص بن وائل سھمی]] کو ایک جنس فروخت کی؛ مگر عاص نے اس کے پیسے دینے میں تاخیر کی یہاں تک کہ وہ شخص مایوس ہو کر کوہ ابوقبیس کے اوپر چڑھ کر اشعار کے قالب میں فریادیں بلند کرنے لگا۔ کچھ قریشی اس واقعے پر شرمندہ ہوئے اور چارہ جوئی کی تدبیر کرنے لگے۔ [[زبیر بن عبد المطلب]] اس کام میں پیش پیش تھے۔ انہوں نے قریشی گروہوں کو [[دار الندوۃ]] میں جمع کیا اور وہاں سے [[عبد اللہ بن جدعان]] کے گھر چلا گئے۔ یہاں پیمان باندھا کہ ’’ہر مظلوم کی مدد اور اس کا حق لینے کیلئے ایک دوسرےے کی مدد کریں گے اور اجازت نہیں دیں گے کہ مکہ میں کسی پر ظلم ہو‘‘۔ قریش نے اس پیمان کو [[حلف الفضول]] کا نام دیا۔ <ref>مسعودی، مروج الذهب، ص271؛ یعقوبی، تاریخ یعقوبی، دارصادر، ج2، ص18۔</ref>  

اسلام سے پہلے قبائل کے درمیان بہت سی جنگیں ہوئیں کہ جس میں قریش کے کچھ لوگ بھی شامل ہوئے۔ ان میں سے معروف ترین جنگیں وہ تھیں کہ جو حرام مہینوں میں لڑی جانے کی وجہ سے [[حروبِ فجار]] کے نام سے مشہور ہوئیں۔ <ref>یعقوبی، تاریخ یعقوبی، دارصادر، ج2، ص17۔</ref> اسلام کے بعد بھی قریش نے [[پیغمبرؐ]] اور [[مسلمانوں]] سے جنگیں لڑیں کہ جن میں سے مشہور ترین جنگیں [[غزوہ بدر]] ، [[غزوہ احد]] اور [[غزوہ خندق]] ہیں۔ <ref>ر۔ک به مدخل غزوه</ref>