"ابدی عذاب" کے نسخوں کے درمیان فرق

'''ابدی عذاب ''' یا '''جہنم میں ہمیشہ رہنا''' [[اسلام|اسلامی]] اور دیگر بہت سے الہی [[ادیان]] کا عقیدہ ہے۔ [[قرآن]] کی متعدد آیات میں «خالدین فیہا ابدا» (ہمیشہ کے لئے جہنم باقی ہے گا) اور اس طرح کی تعابیر کے ساتھ ابدی عذاب کی طرف اشارہ کیا گیا ہے؛ چنانچہ شیعہ جوامع حدیثی میں متعدد احادیث بھی وارد ہوئی ہیں جن میں جہنم میں ہمیشہ کے لئے باقی رہنے پر تأکید کی گئی ہے۔

جہنم میں ہمیشہ کے لئے باقی رہنے کے بارے میں دانشورں کے درمیان اختلاف پایا جاتا ہے: ایک گروہ اسے خدا کی عدالت، حکمت اور رحمت حتی قرآن کی بعض آیات کے خلاف قرار دیتے ہیں اور اس بات کے معتقد ہیں کہ ابدی عذاب کا کوئی تصور ہی نہیں ہے بلکہ جہنمی افراد یا آخر کار سب کے سب وہاں سے نکل جائیں گے یا آخر میں ان کے لئے وہاں کوئی عذاب یا تکلیف نہیں ہوگی۔  

ان کے مقابلے میں بعض حضرات من جملہ شیعہ ابدی عذاب کے قائل ہیں لیکن اسے صرف ان کافروں کے ساتھ مختص قرار دیتے ہیں جو خدا کے سر سخت دشمن ہیں اور جن میں ہر حوالے سے [[اتمام حجت|حجت تمام]] کی گئی ہوتی ہے۔ ان کے مطابق باقی عام گناہ گار اور [[مستضعف فکری|کمزور عقیدہ]] لوگ جہنم میں ہمیشہ کے لئے باقی نہیں رہیں گے۔  

شیعہ علماء اس بات کے معتقد ہیں کہ [[قیامت]] کے دن [[تجسم اعمال|اعمال کے مجسم]] اور اعمال کی حقیقت عیاں ہونے کے نظریہ کے ذریعے ابدی عذاب کی تصریح کی جا سکتی ہے۔ اس کے علاوہ قرآن میں تصریح کی گئی ہے کہ بعض افراد ہمیشہ کے لئے جہنم میں رہیں گے اور وہاں سے وہ کبھی بھی خارج نہیں ہو سکیں گے۔