ویکی شیعہ:ہفتہ وار منتخب مقالے/2022/18
عید فطر شوال کی پہلی تاریخ کو رمضان کے روزوں کے اختتام پر منائی جاتی ہے جو مسلمانوں کی سب سے بڑی عیدوں میں سے ہے۔ اس دن تمام مسلمان ملکوں میں سرکاری طور پر چھٹی ہوتی ہے۔ اس دن مسلمان عید کی نماز پڑھتے ہیں اور مخصوص شرائط کے ساتھ زکات فطرہ ادا کرنا ہر مسلمان پر واجب ہے۔ عید فطر کے دن روزہ رکھنا حرام ہے۔
عید فطر کی رات اور دن کے لئے دعا کی کتابوں میں مختلف آداب اور احکام ذکر ہوئے ہیں؛ من جملہ ان میں مستحب نمازیں اور دعائیں پڑھنا، قرآن کی تلاوت کرنا، غسل، زیارت امام حسین(ع)، شب بیداری اور خاص تکبریں کہنا شامل ہیں۔
مسلمان عید کے دن صلہ رحمی کے طور پر ایک دوسرے کے گھر جاتے ہیں اور عید کی مبارک بادی دیتے ہیں۔