"علم غیب" کے نسخوں کے درمیان فرق

'''علم غیب''' یا '''علم لدنّی''' ، سے مراد ایسی آگاہی کو کہا جاتا ہے جو عام طور پر انسان کو حاصل نہیں ہوتی بلکہ خداوندعالم بعض انسانوں کو اس سے نوازتا ہے۔ شیعہ عقائد کے مطابق غیب سے آگاہ ہونا بنیادی طور پر خدا سے مختص ہے لیکن بعض مصلحتوں کی بناء پر خدا اپنے بعض مخصوص بندوں کو یہ علم عطا کرتا ہے۔ اس کے باوجود بھی علم غیب کی بعض اقسام جیسے خدا کی ذات پر علم حاصل ہونا وغیرہ صرف اور صرف خدا کے ساتھ مختص ہے اور خدا کے علاوہ کسی اور کو اس تک رسائی حاصل نہیں ہے۔ اسلامی تعلیمات کی رو سے تمام انبیاء یا کم از کم بعض انبیاء بشمول پیغمبر اسلام(ص) ائمہ معصومین اور بعض نیک اور صالح بندگان خدا علم غیب سے آگاہ ہیں۔ علم غیب سے آگاہی کی کیفیت اور مقدار کے حوالے سے یہ افراد ایک دوسرے سے متفاوت ہیں اور اس حوالے سے پیغمبر اکرم(ص) پھر آپ کے حقیقی جانشین (ائمہ معصومین) سب سے زیادہ اس علم سے آگاہ ہیں۔