حدیث قرطاس

حدیث قرطاس، حدیث دوات و قرطاس، حدیث قلم و کاغذ یا حدیث قلم و دوات سے رسول خدا کےآخری ایام کے اس واقعہ کی طرف اشارہ ہے کہ جس میں آپ نے موجودصحابہ سے فرمایا کہ مجھے قلم اور دوات دو تا کہ میں تمہیں گمراہی بچنے کیلئے وصیت لکھ دوں ۔وہاں موجود حضرت عمر بن خطاب نے رسول اللہ کی اس چاہت کی مخالفت کی اور یوں رسول اللہ اپنی وصیت نہ لکھ سکے۔ اس واقعے کو رسول اللہ کی زندگی کے واقعات میں سے مشہور ترین اور بزرگترین مصیبتوں میں سے سمجھا جاتا ہے کہ جسے صحاح ستہ ، سُنَن ، سیَر اور کے تمام مصنفین نے ذکر کیا ہے۔اس واقعے کی روایات میں اگرچہ جزئی اختلاف مذکور ہیں لیکن اصل واقعہ اور ان کا رسول اللہ کی وصیت میں رکاوٹ بننا خود حضرت عمر بن خطاب سے بھی منقول ہے ۔

شیعہ مکتب کے نزدیک رسول خدا کا اس وصیت سے مقصد اپنے بعد حضرت علی کی جانشینی کی تاکید اور وصیت کرنا تھی۔

حدیث کا متن اور مضمون

تاریخی اور روائی منابع کے مطابق نبوت نے اپنی زندگی کے آخری ایام میں بستر بیماری پر ۱۱ ہجری 25 صفر کو حاضرین سے فرمایا :

مجھے قلم اور دوات دو تا کہ میں تمہیں ایسی چیز لکھ دوں کہ جس کی بدولت تم کبھی گمراہ نہیں ہو گے ۔

عمر بن خطاب نے رسول اللہ کی اس درخواست کی مخالفت کی اور کہا: پیغمبر ہذیان کہہ رہے ہیں اور بعض روایات کے مطابققرآن ہمارے لئے کافی ہے کہ جملے کا اضافہ موجود ہے ۔یہ سننے کے بعدصحابہ کے درمیان نزاع شروع ہو گئی ۔پیغمبر نے جب یہ صورت حال دیکھی تو فرمایا میرے پاس سے اٹھ کر چلے جاؤ۔ یہ واقعہ تفصیلی اور مختلف جملوں کے ساتھ منابع میں ذکر ہوا ہے ۔مختلف منابع میں رسول اللہ سے نقل ہونے والے جملے درج ذیل ہیں :

• ائتونی بدواة و كتف أكتب لكم كتابا لا تضلّوا بعده أبدا

مجھے قلم اور دوات دو، میں تمہارے لئے ایسا نوشتہ لکھ دوں کہ جسکے بعد کبھی گمراہ نہیں ہو گے۔

• {{[[حدیث|هلُمّ اکتب لکم کتابا لا تضلون بعده}}

آؤ !میں تمہارے لئے ایسی تحریر لکھ دوں کہ اسکے بعد گمراہی نہیں ہو گی ۔

• {{[[حدیث|ائتونی بدواة وصحیفة أکتب لکم کتابا لا تضلوا بعده أبدا}}

دوات و صحیفہ دو تا کہ میں تمہارے لئے تحریر لکھ دوں کہ اس کے بعد کبھی گمراہ نہیں ہو جاؤ ۔

• {{[[حدیث|ائتونی بالکتف والدواة أکتب لکم کتابا لا تضلوا بعده أبدا}}

اسی طرح بعض تاریخی منابع میں حضرت عمر بن خطاب کو اس قول رسول کی مخالفت کرنے والا کہا گیا لیکن بعض میں مخالفت کرنے والے کا نام ذکر نہیں ہوا ہے ۔مختلف کتب میں حضرت عمر کی مخالفت مختلف الفاظ میں بیان ہوئی ہے :

• {{[[حدیث| إن نبی الله ليهجر}}

خدا کا نبی ہذیان کہہ رہا ہے۔

• {{[[حدیث| إن رسول الله يهجر}}

رسول خدا هذیان کہتا ہے۔

• {{[[حدیث|ان الرجل لیهجر}}

یہ مرد ہذیان کہتا ہے ۔

• {{[[حدیث|أهجر رسول الله؟}}

کیا رسول خدا نے ہذیان کہا ہے۔

• {{[[حدیث|ما شأنه؟ أهجر؟ استفهموه}}

اسے کیا ہوا ہے ؟ آیا(اسنے) یذیان کہا؟اس سے پوچھو۔

• {{[[حدیث|إنّ النّبى (رسول الله) قد غلب عليه (غلبه) الوجع وعندکم القرآن حسبنا کتاب الله}}

درد نے رسول خدا پر غلبہ کیا ہے ،تمہارے لئےقرآن ہے اور ہمارے لئے خدا کی کتاب کافی ہے۔

سید عبدالحسین شرف الدین نے اپنی تصنیف المراجعات میں کہا ہے کہ قد غلب عليه الوجع کے الفاظ اہل سنت محدثین نے تبدیل کئے ہیں تا کہ اس کے ذریعے عبارت کی تلخی کو کم کر سکیں اس نے اپنے اس مدعا کے اثبات کیلئے ابوبکر احمد بن عبدالعزیز جوہری کی کتاب السقیفہ میں ابن عباس کی روایت سے استناد کرتے ہوئے کہا اس میں آیا ہے : پس عمر نے ایسی بات کہی کہ جس کا معنی یہ ہے کہ درد نے پیغمبر پر غالب ہو گیا ...

منابع حدیث

منابع اہل سنت

یہ حدیث اہل سنت کے بہت سے معتبر مآخذوں میں مذکور ہوئی ہے مثلا:

• صحیح بخاری کےاب میں پانچ مقامات پر آئی جن میں سے دو مقام پر عمر کا نام آیا ہے ۔
• صحیح مسلم میں تین جگہ پر : ایک مقام پر حضرت عمر کا نام آیا ہے
• مسند احمد میں ایک مقام پر :کہنے والے کے نام کی طرف اشارہ نہیں ہوا ۔
• سنن بیہقی میں ایک جگہ نقل ہوا ہے :کہنے والے کے نام نہیں آیا ۔
• طبقات ابن سعد میں آٹھ جگہ آیا ہے : تین جگہ حضرت عمر کا نام آیا ہے

شیعہ مآخذ

• شیخ مفید کی الارشاد و اوائل المقالات
• نعمانی کی کتاب الغیبت
• ابن شہر آشوب کی المناقب

مختلف مؤقف

شیعہ مؤقف

علمائے شیعہ اس واقعہ کو بہت بڑی مصیبت سمجھتے ہیں کیونکہ یہ واقعہ مسلمانوں کو گمراہی سے بچانے سے کیلئے رسول اللہ کے وصیت لکھنے میں رکاوٹ بنا۔ اہل سنت کے بعض مآخذوں میں بھی آیا ہے کہ عبد اللہ بن عباس رسول اللہ کی وصیت میں رکاوٹ کو ایک عظیم مصیبت سمجھتے اور گریہ کرتے تھے۔

شرف الدین عاملی المراجعات میںقرآنی آیات کے تناظر میں حضرت عمر پر چند اعتراض کرتے ہیں ان میں سے:

1. رسول خدا(ص) کے حکم کی نافرمانی اور رسول کی مخالفت ۔
2. اس سے ظاہر ہوتا ہے کہ گویا حضرت عمر رسول اللہ سے زیادہ دانا تر ہے۔
3. رسول کی نسبت ہذیان گوئی کا الزام لگانا۔

شیعوں کے نزدیک حضرت عمر کا یہ رویہقرآن کی بہت سی آیات کے مخالف تھا مثلا:

• {{[[حدیث|وَمَا آتَاکمُ الرَّ‌سُولُ فَخُذُوهُ وَمَا نَهَاکمْ عَنْهُ فَانتَهُواسورہ حشر|آیت ۷}}

جو کچھ رسول تمہیں دے اسے لے لو اور جس سے منع کرے اس سے رک جاؤ۔

• {{[[حدیث|مَا ضَلَّ صَاحِبُکمْ وَمَا غَوَیٰ ﴿۲﴾ وَمَا ینطِقُ عَنِ الْهَوَیٰ ﴿۳﴾ إِنْ هُوَ إِلَّا وَحْی یوحَیٰ ﴿۴﴾ عَلَّمَهُ شَدِیدُ الْقُوَیٰ ﴿۵﴾سورہ نجم}}

کہ تمہارا یہ ساتھی پیغمبرِ اسلام(ص) نہ گمراہ ہوا ہے اور نہ بہکا ہے۔ (2) اور وہ (اپنی) خواہشِ نفس سے بات نہیں کرتا۔ (3) وہ تو بس وحی (بات کرتا) ہے جو ان کی طرف کی جاتی ہے۔ (4)

اہل سنت مؤقف

اہل سنت علما اس واقعے کی توجیہ کے در پے ہوئے ہیں مثلا:

• بعض اس واقعے کو متون اصلی میں مذکور ہونے کے باوجود اسے ضعیف اورغیر معتبر سمجھتے ہیں ۔
• بعض اس حدیث کا ایک اور معنا ذکر کرتے ہیں ۔ مثلا: «ہجر» کا مادہ چھوڑنے اور تک کرنے کے معنا میں ہے اور اس سے حضرت عمر کی مراد یہ تھی کہ پیغمبر ہمیں چھوڑ رہے ہیں یا حضرت عمر کی گفتگو استفہام انکاری ہے یعنی پیغمبر ہذیان نہیں کہتا ہے ؟
• عمر کاقرآن کو کافی سمجھنا اسکی قوت فقہ اور دقت نظر کا بیان گر ہے ۔
• بعض مآخذوں کے مطابق ایک شخص نہیں کئی افراد مراد ہیں ۔

پیمبر(ص) کا مقصود

[[مضمون اصلی|حدیث ثقلین]]

شیعہ علما کے نزدیک حدیث قرطاس اور حدیث ثقلین کہ جس میں رسول اکرم نے فرمایا :میں تمہارے درمیان دو گرانقدر چیزیںقرآن و [[اہل بیت]، چھوڑے جا رہا ہوں جب تک تم انہیں تھامے رکھو گے اس وقت تک تم گمراہ نہیں ہو گے؛کی غرض ایک اور ان کا ہدف حضرت علی کی تاکید ہے ۔ شیعہ علما کے مطابق ان دونوں احادیث سے حضرت رسول اکرم کا قصد یہ تھا کہ خلافت اور امامت کو اپنی عترت کیلئے استوار کریں ۔چونکہ کچھ افراد اس حقیقت کو بھانپ گئے تھے اسی وجہ سے وہ اس حدیث قرطاس کے لکھنے سے مانع ہوئے۔ نیز خلیفۂ دوم اور عبد اللہ بن عباس کے درمیان ہونے والی گفتگو میں وہ وضاحت کرتے ہیں کہ پیغمبر اکرم اپنی بیماری کے ایام میں چاہتے تھے کہ اپنے بعد خلافت کیلئے علی کا نام لیں تو میں دلسوزی اور حفاظت اسلام کی خاطر اس میں آڑے آیا ۔