"سورہ فرقان" کے نسخوں کے درمیان فرق

|quote = <center>'''بِسْمِ اللّهِ الرَّحْمَنِ الرَّحِيمِ'''</center>

  |quote = <center>'''اللہ کے نام سے جو بہت رحم والا نہایت مہربان ہے'''</center>

اپنے کمال ذات کے ساتھ قائم و برقرار ہے وہ جس نے قرآن اتارا اپنے بندہ پر تاکہ وہ تمام جہانوں کے لیے تنبیہہ کرنے والا ہو (1) جس کے لیے بادشاہت ہے آسمانوں اور زمین کی اور اس نے کوئی اولاد یقینا نہیں کی اور نہ اس کا سلطنت میں کوئی شریک ہے اور اس نے ہر چیز کو پیدا کیا تو اس کا پورے طور پر پیمانہ مقرر کیا (2) اور انہوں نے اللہ کو چھوڑ کر ایسے خدا بنائے ہیں جو کوئی چیز پیدا نہیں کر سکتے اور وہ خود پیدا کیے ہوئے ہیں اور نہ وہ اپنے لیے کسی نقصان پر قدرت رکھتے ہیں اور نہ فائدہ پر اور نہ موت پر اختیار رکھتے ہیں اور نہ زندگی پر اور نہ دوبارہ زندہ اٹھانے پر (3) اور وہ لوگ کہتے ہیں کہ یہ نہیں سوا ایک جھوٹ کے جسے اس نے گھڑا ہے اور اس پر کچھ دوسرے لوگوں نے اس کی مدد کی ہے، اس طرح انہوں نے ظلم اور غلط بیانی کا ارتکاب کیا ہے (4) اور انہوں نے کہا یہ پرانی داستانیں ہیں جنہیں اس نے لکھ لیا ہے تو وہ اسے لکھوائی جاتی ہیں صبح و شام (5) کہئے کہ اسے اتارا ہے اس نے جو آسمانوں اور زمین کے بھیدوں سے واقف ہے، بلاشبہ وہ بخشنے والا ہے، بڑا مہربان (6) اور انہوں نے کہا یہ پیغمبر عجیب ہے کہ کھانا کھاتا ہے اور بازاروں میں چلتا پھرتا ہے کیوں نہ اس پر کوئی فرشتہ اتارا گیا کہ وہ اس کے ساتھ ساتھ ڈرانے والا ہوتا (7) یا اس پر کوئی خزانہ اتارا جاتا یا اس کے لیے ایک گھناباغ ہوتا جس سے وہ کھاتا اور ظالموں نے کہا کہ تم پیروی نہیں کرتے مگر ایک آدمی کی جو کسی آسیب میں گرفتار ہے (8) دیکھیے کیسی کیسی باتیں آپ کے لیے انہوں نے کیں تو وہ گمراہ ہوئے ایسے کہ قدرت نہیں رکھتے اب راستے پر (9) قائم و برقرار ہے وہ ذات جو اگر چاہے تو آپ کے لیے اس سے بہتر قرار دے دے، وہ بہشت جن کے نیچے سے نہریں رواں ہوں اور وہ آپ کے لیے عالی شان محلات قرار دے (10) بلکہ انہوں نے قیامت کو جھٹلایا اور ہم نے اس کے لیے جو قیامت کو جھٹلائے تیار رکھا ہے دوزخ کی آگ کو (11) جب وہ انہیں دیکھے گی دور سے بھی تو وہ سنیں گے اس کے غیظ و غضب کی آواز اور شدید چنگھاڑ (12) اور جب وہ ڈالے جائیں گے اس کی کسی تنگ جگہ میں لوہے میں جکڑے ہوئے تو اس وقت وہ ہائے واویلا کریں گے (13) آج ایک دفعہ ہائے واویلا نہ کرو بلکہ بہت دفعہ ہائے واویلا کرو (14) کہئے کہ کیا یہ اچھا ہے یا وہ زندگی جاوید والا بہشت جس کا پرہیز گاروں سے وعدہ ہے وہ ان کے اعمال کا صلہ اور آخری ٹھکانا ہے، ان کے لیے (15) وہاں وہ ہے جو وہ چاہیں ہمیشہ ہمیشہ رہتے ہوئے، یہ تمہارے پروردگار کے ذمہ ایک وعدہ ہے جس کا مطالبہ کیا جائے (16) اور جس دن وہ حشر میں ان سب کو لائے گا اور انہیں جن کو وہ اللہ کو چھوڑ کر پوجا کرتے تھے تو وہ کہے گا کہ کیا تم نے میرے ان بندوں کو گمراہ کیا یا وہ خود راستے سے بھٹک گئے؟ (17) تو وہ کہیں گے کہ پاک ہے تیری ذات، ہمارے لیے یہ زیبا نہیں تھا کہ ہم تجھے چھوڑ کر کوئی حوالی موالی بنائیں مگر تونے انہیں اور ان کے باپ داداؤں کو خوب مال و دولت دیا یہاں تک کہ وہ یاد دہانیوں کو بھول گئے اور وہ تباہ ہونے والے لوگ تھے (18) اس طرح انہوں نے جھٹلا دیا تمہیں اس میں جو تم کہتے ہو تو تم نہ ہٹانے پر قدرت رکھتے ہو اور نہ مددپر اور جو تم میں سے ظلم کا مرتکب ہو، اسے ہم بڑا عذاب چکھائیں گے (19) اور نہیں بھیجا ہم نے آپ کے پہلے پیغمبروں کو مگر یہ کہ وہ بھی کھانا کھاتے تھے اور بازاروں میں چلتے پھرتے تھے اور ہم نے تم میں سے ایک کو دوسرے کے لیے ذریعہ آزمائش بنایا ہے، کیا تم لوگ صبر و برداشت سے کام لو گے؟ اور آپ کا پروردگار خوب دیکھنے والا ہے (20) اور وہ جنہیں ہم سے ملنے کی کوئی توقع نہیں، کہتے ہیں کہ کیوں نہ ہم پر فرشتے اتارے گئے یا ہم اپنے پروردگار کو آنکھوں سے دیکھتے؟ انہوں نے اپنے دل میں گھمنڈ کیا اور بڑی سرکشی سے کام لیا (21) جس دن فرشتوں کو آنکھوں سے دیکھیں گے، اسی دن گنہگاروں کے لیے کوئی خوشخبری نہیں ہو گی اور وہ کہیں گے ارے یہ تو مکمل محرومی رہی (22) اور ہم متوجہ ہوں گے ان کے اعمال کی طرف جو انہوں نے کیے ہیں تو کر دیں گے انہیں بالکل بے حقیقت (23) اس دن بہشت والے اچھے ہوں گے قرار گاہ کے لحاظ سے اور بہتر ہونگے جائے استراحت کے اعتبار سے (24) اور جس دن بادل کے ساتھ ساتھ آسمان شق ہو جائے گا اور فرشتے اتارے جائیں گے جیسا اتارا جانا چاہیے (25) اس دن اقتدار کل حقیقی معنی میں سب خدائے رحمن سے مخصوص ہو گا اور وہ دن کافروں پر سخت ہو گا (26) اور جس دن ظالم آدمی اپنے ہاتھوں کو اپنے دانتوں سے کاٹتا ہو گا، کہے گا کاش میں پیغمبر سے رسم و راہ رکھتا (27) کاش میں فلاں شخص کی بات نہ مانتا (27) اس نے مجھے نصیحت (قبول کرنے) سے بھٹکایا بعد اس کے کہ وہ مجھ تک پہنچی اور شیطان انسان کو بڑا بے سہارا چھوڑ دینے والا ہے (29) اور پیغمبر کہیں گے اے میرے پروردگار! میری امت نے اس قرآن کو بالکل ترک کر دیا تھا (30) اور اسی طرح ہم نے ہر نبی کے لیے ایک دشمن قرار دیا گنہگاروں میں سے اور کافی ہے آپ کا پروردگار بحیثیت رہنما و مددگار (31) اور کافر لوگ کہتے ہیں کہ ان پر پورا قرآن اکٹھا کیوں نہیں اتارا گیا (ہاں) اسی طرح مقصد یہ ہے کہ ہم اس سے آپ کے دل میں ثبات و استقلال پیدا کریں اور (اسی لیے) ہم نے اسے پوری طرح ٹھہر ٹھہر کر سنایا ہے (32) اور وہ آپ کے سامنے کوئی خاص بات نہیں لاتے، مگر یہ کہ ہم حقیقت پیش کر دیتے ہیں اور زیادہ تشریح کی صورت میں (33) وہ جو دوزخ کی طرف منہ کے بل روانہ کیے جائیں گے، یہ بدترین عمل کے لحاظ سے اور زیادہ بھٹکے ہوئے ہیں راستے کے اعتبار سے (34) اور ہم نے موسیٰ کو کتاب عنایت کی اور ان کے ساتھ ان کے بھائی ہارون کو وزیر بنایا (35) اس کے بعد کہا کہ تم دونوں بھائی جاؤ اس جماعت کی طرف جنہوں نے ہماری آیتوں کو جھٹلایا، اس کے بعد ہم نے ان لوگوں تہس نہس کر دیا (36) اور نوح کی قوم والے، جب انہوں نے پیغمبروں کو جھٹلایا تو ہم نے انہیں غرق کر دیا اور انہیں لوگوں کے لیے ایک نشانی قرار دیا اور ہم نے ظالموں کے لیے دردناک عذاب تیار کر رکھا ہے (37) اور عاد اور ثمود اور رس والے اور ان کے بیچ میں بہت سی نسلیں (38)  اور ہر ایک کے لیے ہم نے مثالیں پیش کیں اور پھر ہم نے ہر ایک کو پوری طرح تہس نہس کر دیا (39) اور یہ گئے ہیں اس بستی میں جس پر بری طرح کا مینہ برسایا گیا تھا، تو کیا وہ اسے آنکھوں سے نہیں دیکھ رہے تھے بلکہ وہ یہ نہیں سمجھتے کہ کوئی حشر و نشر ہو گا (40) اور جب وہ آپ کو دیکھیں گے تو بس آپ کا مذاق اڑائیں گے، کیا یہ وہ ہے جسے اللہ نے پیغمبر بنا کر بھیجا ہے؟ (41) وہ تو قریب تھا کہ ہمیں ہمارے خداؤں سے بھٹکا ہی دے، اگر ہم ان پر استقلال کے ساتھ جمے نہ رہتے، اور انہیں معلوم ہو گا جب عذاب آنکھوں سے دیکھیں گے کہ کون راستے سے زیادہ بھٹکا ہوا ہے (42) کیا آپ نے دیکھا ہے اسے کہ جس نے اپنی نفسانی خواہش کو اپنا خدا بنائے رکھا؟ تو کیا آپ اس کے ذمہ دار ہو سکتے ہیں؟ (43) یا آپ کیا ایسا سمجھتے ہیں کہ ان میں سے زیادہ تر سنتے یا سمجھتے ہیں؟ نہیں ہیں یہ مگر مثل چوپایوں کے بلکہ ان سے زیادہ گمراہ ہیں (44) کیا تم نے نہیں دیکھا اپنے پروردگار کو کہ اس نے کیوں کر سائے کو پھیلایا اور اگر وہ چاہتا تو تھما ہوا کر دیتا، پھر ہم نے سورج کو اس کا راہنما قرار دیا (45) پھر اسے اپنی طرف سمیٹا تھوڑا تھوڑا کرکے (46) اور وہ وہ ہے جس نے تمہارے لیے رات کی پوشش بنائی اور نیند کو آرام اور دن کو چہل پہل بنایا (47) اور وہ وہ ہے جس نے ہواؤں کو بھیجا خوشخبری دیتا ہوا اس کی رحمت کے آگے آگے اور ہم نے آسمان سے پانی نازل کیا جو پاک اور پاک کرنے والا ہے (48) تاکہ اس سے زندہ کریں مردہ زمین کو اور اسے پلائیں مخلوقات میں سے چوپایوں اور بکثرت آدمیوں کو (49) اور ہم نے اسے ان کے درمیان طرح طرح سے پیش کیا ہے تاکہ وہ نصیحت قبول کریں، پھر زیادہ تر لوگوں نے ناشکرے پن کے سوا (کسی دوسرے راستے کے اختیار کرنے سے) انکار کیا (50) اور اگر ہم چاہتے تو ہر گاؤں میں ایک عذاب الٰہی کی اطلاع دینے والا بھیجتے (51) تو آپ کافروں کا کہا نہ مانیے اور اس کے ذریعہ سے ان کے مقابلہ میں بہت بڑا جہاد کرتے رہیے (52) اور وہ وہ ہے جس نے دو دریاؤں کو اکٹھا کیا ہے۔ یہ شیریں و خوش گوار ہے اور یہ نمکین کھاری ہے اور ان دونوں کے درمیان اس نے درمیانی پردہ اور مستقل رکاوٹ قائم کی ہے (53) اور وہ وہ ہے جس نے پانی سے انسان کو پیدا کیا تو اسے خونی اور سسرالی رشتے کا مرکز بنایا اور تمہارا پروردگار بڑی قدرت والا ہے (54) اور وہ عبادت کرتے ہیں اللہ کو چھوڑ کر ایسی چیز کی جو انہیں نہ نفع پہنچاتی ہے اور نہ انہیں نقصان پہنچاتی ہے اور کافر اپنے پروردگار کے خلاف پشت پناہی کرنے والا ہے (55) اور ہم نے نہیں بھیجا ہے آپ کو مگر خوش خبری دینے والا اور ڈرانے والا (56) کہہ دیجئے کہ میں تم سے اس پر کوئی معاوضہ نہیں مانگتا مگر جو چاہے کہ اپنے پروردگار کی طرف راستہ بنائے (57) اور بھروسا کیجئے اس زندہ پر جو کبھی مرنے والا نہیں اور اس کی حمد کے ساتھ تسبیح کیجئے اور اپنے بندوں کے گناہوں سے اس سے زیادہ باخبر کون ہو گا؟ (58) وہ جس نے آسمانوں اور زمین اور ان کے درمیان میں جو کچھ ہے سب کو چھ دن میں پیدا کیا۔ پھر عرش پر جلوہ گر ہوا، وہی رحمن ہے اس کے متعلق کسی باخبر آدمی سے دریافت تو کر لو (59) اور جب ان سے کہا جاتا ہے کہ رحمن کو سجدہ کرو تو وہ کہتے ہیں کہ یہ رحمن کیا چیز ہے؟ کیا جس چیز کو تم کہو ہم سجدہ کرنے لگیں اور اس سے ان کی وحشت میں اضافہ ہوتا ہے (60) قائم ود ائم ہے وہ جس نے آسمان میں برج بنائے اور ان میں روشن چراغ اور چمکتا ہوا چاند قرار دیا (61) اور وہ وہ ہے جس نے رات اور دن کو ایک دوسرے کا جانشین بنایا اس کے لیے جو نصیحت قبول کرے یا شکر گزار ہونا چاہے (62) اور رحمن کے بندے وہ ہیں جو زمین پر آہستہ آہستہ (قدم رکھ کر) چلتے ہیں اور جب جاہل لوگ ان سے تخاطب کرتے ہیں تو وہ سلامتی کی دعا دیتے ہیں (63) اور جو اپنے پروردگار کے لیے رات گزارتے ہیں سجدہ اور قیام میں (64) اور وہ کہتے ہیں کہ ہمارے پروردگار! دور رکھ ہم سے دوزخ کے عذاب کو، یقینا اس کا عذاب وہ ہے جس سے پیچھا چھڑانا مشکل ہے (65) وہ بہت برا ٹھکانا اور جگہ ہے (66) اور وہ کہ جب وہ خرچ کرتے ہیں تو نہ شاہ خرچی زیادہ کرتے ہیں اور نہ کنجوسی اور وہ اس کے بیچ میں اعتدال کے درجہ پر ہوتا ہے (67) اور جو اللہ کے ساتھ کسی اور خدا کی دہائی نہیں دیتے اور اس نفس کی جس کی اللہ نے حرمت قرار دی ہے ناحق جان نہیں لیتے اور زنا کاری نہیں کرتے اور جو ایسا کرے گا، وہ بڑے گناہ کا مرتکب ہو گا (68) اسے روز قیامت دو نادوں سزا دی جائے گی اور اس میں ہمیشہ ہمیشہ کے لیے ذلیل بنا کر رکھا جائے گا (69) سوا اس کے کہ جو توبہ کرے اور ایمان لائے اور نیک اعمال کرے اور یہ وہ ہیں جن کی غلطیوں کو اللہ بدل دیتا ہے نیکیوں کے ساتھ اور اللہ بخشنے والا ہے، بڑا مہربان (70) اور جو توبہ کرے گا اور نیک اعمال کرے گا تو وہ پورے طور پر اللہ سے لو لگائے گا (71) اور وہ جھوٹی گواہی نہیں دیتے اور جب لغو باتوں کی طرف سے گزر ہوتا ہے تو اپنے شان و وقار کو لیے ہوئے (دامن بچائے) گزر جاتے ہیں (72) اور وہ کہ جب انہیں ان کے پروردگار کی آیتوں کے ذریعہ سے نصیحت کی جاتی ہے تو وہ بہروں اور اندھوں کی طرح منہ کے بل گر نہیں پڑتے (73) اور وہ جو کہتے ہیں کہ پروردگار! ہمیں عطا کرنا ہماری بیویوں اور بچوں کی طرف سے آنکھوں کی ٹھنڈک اور ہمیں پرہیز گاروں کا پیش رو بنا (74) یہ وہ ہیں جنہیں ان کے صبر و تحمل کے صلہ میں بہشت میں اور اونچا درجہ ملے گا اور وہاں ان سے سلام اور آداب و احترام کے ساتھ پیش آیا جائے گا (75) جہاں وہ ہمیشہ رہیں گے، بہت اچھا ہے وہ مقام اور ٹھکانا رہنے کا (76) کہئے کہ میرا پروردگار تمہاری پرواہ نہیں کرتا اگر تم دعا نہ مانگو، اب تم نے تو جھٹلایا ہے تو اس کے نتائج تمہیں بھگتنا ہوں گے (77)۔