"والدین کے حقوق" کے نسخوں کے درمیان فرق

'''والدین کے حقوق'''، اولاد کے ذمے والدین کی نسبت واجب الادا حقوق کو کہا جاتا ہے۔ ان حقوق کی رعایت کرنا خدا کے اہم احکام میں سے ہیں اور [[حقوق اللہ]] کے بعد اولاد کے ذمے سب سے زیادہ حق ان کے والدین کا ہے۔

دینی متون میں والدین کے ساتھ نیک سلوک کرنا، ان کا احترام اور ان کی اطاعت کرنا نیز ان کی ضرورتوں کو پورا کرنا من جملہ والدین کے حقوق میں شمار کئے جاتے ہیں جن کا دا کرنا بچوں پر فرض ہے۔ [[قرآن]] میں [[والدین پر احسان]] کرنے کا حکم دینے کے بعد اولاد کو حکم دیا گیا ہے کہ نہ صرف والدین کے ساتھ بدسلوکی اور کمترین سختی سے منع کیا گیا ہے بلکہ والدین کے سامنے [[تواضع]] اور فروتنی سے پیش آنے نیز ان کی وفات کے بعد ان کے حق میں [[دعا]] اور استغفار کرنے کا حکم دیا گیا ہے۔ چودہ معصومینؑ کی احادیث میں بھی والدین کے ساتھ نیکی سے پیش آنے کو خدا کے یہاں پسندیدہ اعمال اور شیعوں کی خصوصیات میں شمار کیا گیا ہے۔

شیعہ [[مجتہد|فقہاء]] جہاں پر والدین کی نافرمانی ان کی ناراحتی اور اذیت کا سبب ہو وہاں پر ان کی اطاعت کو اولاد پر واجب قرار دیتے ہیں مگر یہ کہ والدین اولاد کو خدا کی معصیت انجام دینے کا حکم دے۔ اسی طرح فقہاء کے [[فتوا|فتوے]] کے مطابق استطاعت رکھنے کی صورت میں نیازمند والدین کے [[نفقہ|مخارج]] کو ادا کرنا اولاد پر واجب ہے۔