"حضرت فاطمہ(س) کا گھر" کے نسخوں کے درمیان فرق

[[امام صادق علیہ‌ السلام|امام صادقؑ]] سے منقول ایک [[حدیث]] میں آیا ہے کہ حضرت زہراء(س) کے گھر میں [[نماز|نماز پڑھنا]] [[روضۃ النبی|روضۃ‌ النبی]] میں نماز پڑھنے سے زیادہ فضیلت کا حامل ہے، [[خلافت بنی‌ امیہ|بنی‌ امیہ کے دور حکومت]] میں مسجد النبی کی توسیع کے دوران حضرت زہراء(س) کے گھر کو منہدم کر کے [[حضرت محمد صلی اللہ علیہ و آلہ|پیغمبر اکرمؐ]] کے حجرے کے ساتھ [[ضریح]] میں تبدیل کر دیا گیا۔ اکثر [[شیعہ]] علماء اسی گھر کو [[محل دفن حضرت فاطمہ(س)|حضرت فاطمہ کا محل دفن]] قرار دیتے ہیں۔

[[واقعہ سقیفہ بنی‌ ساعدہ|سقیفہ بنی ساعدہ]]  کے واقعے کے بعد امام علیؑ نے [[بیعت امام علیؑ|ابوبکر کی بیعت]] سے انکار کرتے ہوئے اپنے چند ساتھیوں کے ساتھ اسی گھر میں احتجاج کیا۔ [[ابوبکر بن ابی‌ قحافہ|ابوبکر]] کے بعض کارندوں نے امام علیؑ سے [[بیعت]] لینے کے لئے اس گھر پر حملہ کیا۔ [[حضرت فاطمہ(س) کے گھر پر ہجوم]] کے واقعے میں آپ(س) زخمی ہوئیں اور شیعوں کے مطابق یہی صدمات [[شہادت حضرت فاطمہ(س)|حضرت فاطمہ کی شہادت]] کا سبب بنے۔ بعض علماء اس بات کے قائل ہیں کہ ابوبکر کے دور خلافت میں حضرت زہراء(س) کے جس گھر پر حملہ کیا گیا تھا وہ مسجد النبی سے متصل گھر نہیں تھا بلکہ جس گھر پر ہجوم لایا گیا تھا وہ [[بقیع|قبرستان بقیع]] میں واقع تھا۔

حضرت فاطمہ(س) کا دولت سرا جہاں [[مدینہ]] میں آپ(س) سکونت اختیار کرتی تھیں، [[شیعہ]] اور [[اہل سنت و الجماعت|اہل سنت]] تاریخی اور حدیث منابع میں اس گھر کی  فضلیت<ref>نمونہ‌کے لئے ملاحظہ کریں: کلینی، الکافی، 1407ھ، ج‏1، ص493، ج4، ص556۔</ref> اور ابوبکر کے دور خلافت میں [[حضرت فاطمہ(س) کے گھر پر حملہ|حضرت زہراء کے گھر پر حملے کے واقعے]]<ref> مسعودی، اثبات الوصیۃ، 1384ہجری شمسی، ج1، ص146۔</ref> کا تذکرہ ملتا ہے۔ اسی طرح بعض شیعہ علماء اس مقام کو [[محل دفن حضرت فاطمہ(س)|حضرت فاطمہ کا محل دفن]] بھی قرار دیتے ہیں۔<ref>شیخ صدوھ، من لا يحضرہ الفقيہ‏، 1413ھ، ج2، ص572۔</ref>

حضرت فاطمہ کا گھر آپ کے فرزندوں<ref>طبسی، «[https://hawzah.net/fa/Magazine/View/2689/4269/28046 گزارشی از خانہ زہرا علیہا السلام]»، سایت حوزہ۔</ref> اور ایک حدیث کے مطابق [[امام سجاد علیہ‌ السلام|امام سجادؑ]]<ref> طبری آملی، دلائل الإمامۃ، 1413ھ، ص191۔</ref> کی جائ پیدائش ہے۔ [[الکافی (کتاب)|کتاب الکافی]] میں [[امام صادق علیہ‌ السلام|امام صادقؑ]] سے نقل ہونے والی ایک حدیث حضرت فاطمہ(س) کے گھر میں نمازپڑھنے کو [[روضۃ النبی|روضہ پیغمبر]] میں نماز پڑھنے سے زیادہ با فضیلت قرار دیا گیا ہے۔<ref> کلینی، الکافی، 1407ھ، ج4، ص556۔</ref> اسی طرح [[امام جواد علیہ‌ السلام|امام جوادؑ]] کے بارے میں آیا ہے کہ آپ ہر روز حضرت فاطمہ(س) کے دولت سرا میں نماز پڑھتے تھے۔<ref>کلینی، الکافی، 1407ھ، ج‏1، ص493۔</ref>

ایران کے بعض شہروں میں [[ایام فاطمیہ]] کے دوران [[کوچہ‌ ہای مادری]](مامتا کی گلیاں) کے عنوان سے نمائش لگتی ہے جس میں محلہ بنی‌ ہاشم  اور حضرت فاطمہ(س) کے گھر کی عکاسی کی جاتی ہے۔<ref>[https://www.isna.ir/news/99102921527 «روایتی از «کوچہ‌ہای مادری»]، خبرگزاری جمہوری اسلامی۔</ref>

[[تیسری صدی ہجری قمری|تیسری صدی ہجری]] کے مورخ ابن سعد نے [[امام محمد باقر علیہ‌ السلام|امام باقرؑ]] سے نقل کیا ہے کہ [[امام علی علیہ‌ السلام|امام علیؑ]] نے [[حضرت فاطمہ کے ساتھ حضرت علی کی شادی|حضرت فاطمہ کے ساتھ شادی]] کے بعد آپ کے لئے پیغمبر اکرمؐ کے دولت سرا سے کچھ فاصلے پر گھر مہیا کیا تھا۔ پیغمبر اکرمؐ نے فرمایا میری بیٹی اپنے والد کے گھر کے نزدیک رہنا چاہتی ہیں۔ حضرت فاطمہ(س) نے پیغمبر اکرمؐ سے درخواست کی کہ آپؐ [[حارثۃ بن نعمان|حارثہ بن نُعمان]] سے بات کریں تاکہ ہم ان کے گھر میں جو کہ پیغمبر اکرمؐ کے گھر کے نزدیک تھا، منتقل ہو سکیں۔<ref>ابن‌سعد، الطبقات الکبری، 1410ھ، ج‏8، ص132۔</ref> حارثہ نے اس سے پہلے اپنے گھر کے کچھ حجروں کو پیغمبر اکرمؐ کے لئے دے دیا تھا تاکہ آپ اپنی [[ازواج رسول خدا|زوجات]] کے ساتھ یہاں زندگی گزاریں۔<ref>عاملی، الصحیح من سیرۃ الإمام علیؑ، 2009م، ج3، ص132-133۔</ref> اس بنا پر پیغمبر اکرمؐ فرمایا مجھے حاریۃ بن نعمان سے یہ بات کرتے ہوئے شرم محسوس ہوتی‌ ہے۔ حارثہ کو اس واقعے کی اطلاع مل جاتی ہے جس پر انہوں نے اپنے گھر کو پیغمبر اکرمؐ کے لئے بخش دیا اور کہا کہ پیغمبر اکرمؐ کی طرف سے ان کے گھر کو قبول کرنا ان کے نزدیک قبول نہ‌ کرنے سے زیادہ پسندیده ہے۔<ref>ابن‌سعد، الطبقات الکبری، 1410ھ، ج‏8، ص132۔</ref>  

بعض شیعہ منابع کے مطابق [[حضرت محمد صلی اللہ علیہ و آلہ|پیغمبر اکرمؐ]] نے امام علیؑ سے فرمایا کہ کوئی ڈھونڈ لو تاکہ‌شادی کے بعد اس میں منتقل ہو سکیں، حضرت علیؑ نے کہا آپؐ کے گھر کے نزدیک سوائے حارثۃ بن نعمان کے گھر کے کوئی اور گھر نہیں ہے۔ پیغمبر اکرمؐ نے فرمایا حارثہ نے پہلے ہی اپنے گھر کا کچھ حصہ میرے لئے بخش دیا ہے اس بنا پر مجھے شرم آتی ہے ان سے دوبارہ‌ گھر کے حوالے سے بات کرنے سے۔ حارثہ کو واقعے کی اطلاع ملی تو وہ خود پیغمبر اکرمؐ کے پاس آ کر اپنا گھر پیغمبر اکرمؐ کے لئے بخش دیا۔ یوں حضرت علیؑ اور حضرت فاطمہ(س) حارثہ بن نعمان کے گھر میں منتقل ہو گئے۔<ref>طبرسی، إعلام الوری بأعلام الہدی، 1390ھ، ص71؛ مجلسی، بحارالانوار، 1403ھ، ج19، ص113۔</ref>

حضرت فاطمہ کا گھر [[مسجد النبی]] کی مشرقی جانب پیغمبر اکرمؐ کے حجروں کے درمیان میں واقع تھا۔<ref>طبسی، «[https://hawzah.net/fa/Magazine/View/2689/4269/28046 گزارشی از خانہ زہرا علیہا السلام]»، سایت حوزہ۔</ref> اس گھر کے دو دروازے تھے: ایک مسجد النبوی میں کھلتا تھا اور دوسرا مسجد سے باہر۔<ref>قائدان، درسنامہ اماکن مذہبی مکہ مکرمہ و مدینہ، 1390ہجری شمسی، ص177۔</ref> سَدُّ الاَبواب کے واقعے میں پیغمبر اکرمؐ نے خدا کے حکم سے مسجد‌ النبی میں کھلنے والے تمام دروازوں کو بند کروا دیا سوائے حضرت فاطمہ کے گھر کے دروازے کے۔<ref> ابن‌کثیر، البدایہ و النہایہ، 1407ھ، ج7، ص342۔</ref> اس بنا پر سَدُّ الابواب کا واقعہ [[فضایل امام علیؑ|امام علیؐ کی انحصاری فضائل]] میں شمار ہوتا ہے۔<ref> حاکم نیشابوری، المستدرک علی الصحیحین، بیروت، ج3، ص125۔</ref>  

حضرت فاطمہ(س) کا گھر پیغمبر اکرمؐ کے حجرے (حجرہ عایشہ) کے پیچھے واقع تھا۔<ref>قائدان، درسنامہ اماکن مذہبی مکہ مکرمہ و مدینہ، 1390ہجری شمسی، ص177۔</ref> ان دو گھروں کے درمیان ایک روشندان تھا<ref>الصغیر، الامام علی علیہ السلام سیرتہ وقیادتہ فی ضوء المنہج التحلیلی، 2002ء۔ ج1، ص31۔</ref> جہاں سے پیغمبر اکرمؐ اپنی بیٹی کا حال و احوال دریافت کیا کرتے تھے۔<ref> سمہودی، وفاء الوفاء بأخبار دار المصطفی، 2006م، ج2، ص57۔</ref> ایک رات حضرت فاطمہ(س) اور پیغمبر اکرمؐ کی زوجہ [[عایشہ]] کے درمیان اتفاق جھگڑا ہوا جس سے حضرت فاطمہ(س) ناراض ہو گئیں اس کے بعد حضرت فاطمہ(س) کی درخواست پر پیغمبر اکرمؐ نے اس روشندان کو بند کروا دیا۔<ref>صبری باشا، موسوعۃ مرآۃ الحرمین الشریفین و جزیرۃ العرب، 2004م، ج3، ص262۔</ref>

شیعہ اور اہل سنت منابع کے مطابق [[پیغمبر اکرمؐ کی رحلت]] اور [[واقعہ سقیفہ بنی‌ ساعدہ|سقیفہ کے واقعے]] کے بعد ابوبکر کے بعض حامیوں نے حضرت فاطمہ(س) کے گھر پر حملہ کیا تاکہ [[امام علی علیہ‌ السلام|امام علیؑ]] سمیت بعض دیگر افرادی کو جو ابوبکر کی [[بیعت]] کرنے سے انکار کرتے ہوئے حضرت فاطمہ(س) کے گھر میں احتجاج کر رہے تھے، کو بیعت کے لئے لے جا سکیں۔<ref>طبری، تاریخ الأمم و الملوک، 1387ھ، ج‏3، ص202۔</ref> شیعہ منابع کے مطابق اس واقعے میں حضرت فاطمہ(س) کے گھر کے درواازے کو آگ لگا دی گئی،<ref>سلیم بن قیس، کتاب سلیم بن قیس، 1420ھ، ج1، ص150۔</ref>اسی طرح اس حملے کے نتیجے میں حضرت فاطمہ(س) پر وارد ہونے والے صدمات کی وجہ سے آپ کے شکم میں موجود بچہ ([[محسن بن علیؑ|محسن بن علی]]) سِقط ہو گئے<ref>مسعودی، اثبات الوصیۃ، 1384ہجری شمسی، ص146۔</ref> اور حضرت فاطمہ(س) کچھ عرصے بعد انہی صدمات کی وجہ سے شہید ہو گئیں۔<ref>طبری، دلائل الامامہ، 1413ھ، ص134۔</ref>  

شیعہ محقق تاریخ [[سید جعفر مرتضی عاملی|جعفر مرتضی عاملی]] (متوفی: 1441ھ) کے مطابق حضرت فاطمہ(س) کے گھر پر حملہ کرنے کا واقعہ اسی گھر میں رونما ہوا ہے جس گھر میں سد الابواب کا واقعہ رونما ہوا تھا۔<ref> عاملی، مأساۃ الزہراءؑ، 1418ھ، ج1، ص177۔</ref> لیکن بعض مورخین اس بات کے معتقد ہیں کہ جس گھر میں سد الابواب کا واقعہ پیش آیا تھا اس پر حملہ نہیں ہوا بلکہ جس گھر پر حملہ ہوا تھا وہ مسجد النبی سے دور واقع تھا<ref> موسوی، «پاسخ بہ شبہات تاریخی آتش زدن خانہ وحی در آیینہ‌ی تاریخ و روایات فریقین»، ص 140- 141۔</ref> تاریخ حرم ائمہ بقیع نامی کتاب کے مصنف [[محمدصادق نجمی]] (متوفی: 1390) کے مطابق بعض تاریخی منابع میں اس نظریے کی تائید ملتی ہے۔ من جملہ یہ کہ جب حضرت علیؑ کو [[ابوبکر کی بیعت]] کے لئے لے جایا جا رہے تھے تو لوگ مدینے کی گلیوں میں اس واقعے کو دیکھ رہے تھے۔<ref>نجمی، تاریخ حرم ائمہ بقیع و آثار دیگر در مدینہ منورہ، 1386ہجری شمسی، ص163-166۔</ref> یہ مطلب احمد بن عبد العزیز جوہری بصری (متوفی: 323ھ) کی کتاب [[السقیفہ و فدک (کتاب)|السقیفہ و فدک]] آیا ہے۔<ref>جوہری بصری، السقیفۃ و فدک، تہران، ص72۔</ref> اس طرح کہا جاتا ہے کہ یہ گھر مسجد النبی کی مشرقی جانب [[جنت البقیع]] کے پیچھے [[ابوایوب انصاری]] کے گھر کے ساتھ واقع تھا جو صحن، سٹور، کئی کمروں اور لکڑی کے بڑے دروازے پر مشتمل تھا۔<ref>اللہ‌اکبری، «[https://www.shia-news.com/fa/news/264958 خانہ حضرت فاطمہ(س) کجا بودہ است؟]»، شیعہ‌نیوز</ref>  

اہل سنت مدنیہ شناس سَمْہودی (متوفی911ھ) نے بھی [[امام علی علیہ‌ السلام|امام علیؑ]] کے ایک اور گھر کی طرف اشارہ کیا ہے جو [[بقیع|قبرستان بقیع]] کی طرف واقع تھا۔<ref>سمہودی، وفاء الوفاء، 2006م، ج2، ص59۔</ref> تیسری صدی ہجری کی تاریخی کتاب [[الطبقات الکبری]] میں بھی قبرستان بقیع میں واقع امام علیؑ کے گھر کا تذکرہ کیا ہے۔<ref> ابن‌سعد، الطبقات الکبری، 1410ھ، ج4، ص40۔</ref> البتہ بعض اس گھر کو وہی گھر قررا دیتے ہیں جسے [[حارثۃ بن نعمان|حارثۃ بن نُعمان]] نے حضرت فاطمہ(س) کی سکونت کے لئے بخش دیا تھا۔<ref>ملاحظہ کریں: قزوینی، فاطمۃ الزہراءؑ من المہد الی اللحد، 2006م، ج1، ص157۔</ref>

شیعہ علماء کے مطابق حضرت فاطمہ کا محل دفن یقینی طور پر معلوم نہیں ہے۔<ref> عاملی، مأساۃ الزہراؑ، 1418ھ، ج1، ص252 و 253۔</ref> اس کے باوجود بعض شیعہ علماء آپ(س) کے محل دفن کے بارے میں مختلف احتمالات مطرح کرتے ہیں۔ [[اسماعیل انصاری زنجانی]] اپنی [[الموسوعۃ الکبری عن فاطمۃ الزہراء (کتاب)|الموسوعۃ الکبری عن فاطمۃ الزہراء]] میں اس بات کے معتقد ہیں کہ اکثر شیعہ علماء نے یہ‌احتمال دیا ہے کہ حضرت فاطمہ(س) اپنے گھر میں دفن ہوئی تھیں۔<ref>انصاری زنجانی، الموسوعۃ الکبری عن فاطمۃ الزہراء، 1428ھ، ج16، ص113۔</ref> اسی طرح [[ناصر مکارم شیرازی|آیت‌ اللہ مکارم شیرازی]] نے حضرت زہرا(س) کے دفن کے وقت حضرت علیؑ سے منقول کلمات میں "النَّازِلَۃِ فِي جِوَارِكَ؛ آپ کے جوار میں آ گئی ہیں" کی عبارت کو ان افراد کے نظریے کی تائید قرار دیتے ہیں جو اس بات کے قائل ہیں کہ حضرت فاطمہ(س) اپنے گھر میں دفن ہوئی تھیں۔<ref> مکارم شیرازی، پیام امام اميرالمؤمنين، 1386ہجری شمسی، ج8، ص32۔</ref>  [[شیخ صدوق]] بھی اس بات کے معتقد تھے کہ حضرت فاطمہ(س) اسی مقام پر دفن ہوئی ہیں۔<ref>شیخ صدوھ، من لا يحضرہ الفقيہ‏، 1413ھ، ج2، ص572۔</ref>

== مسجد نبوی کی توسیع میں اس گھر کا ضریح پیغمبر میں شامل ہونا==

حضرت فاطمہ(س) کا گھر [[عبد الملک بن مروان]] (حکومت: [[سنہ 65 ہجری قمری|65]]<nowiki/>سے [[سنہ 86 ہجری قمری|86ھ]])<ref>ابن‌شہرآشوب، مناقب آل ابی‌طالب، 1379ھ، ج2، ص211۔</ref> یا [[ولید بن عبد الملک]] (حکومت: [[سنہ 86 ہجری قمری|86]]  سے [[سنہ  96 ہجری قمری|96ھ]])<ref>سمہودی، وفاء الوفاء بأخبار دار المصطفی، 2006م، ج2، ص89۔</ref> کے دور حکومت میں مسجد نبوی کے توسیعی منصوبے کے زد میں آ کر گرا دیا گیا۔ یہ حجرہ پیغمبر اکرمؐ کے حجرے کے ساتھ  جہاں آپؐ دفن ہیں، ایک ضریح میں قرار دیا گیا ہے۔<ref> جعفریان، آثار اسلامی مکہ و مدینہ، 1387ہجری شمسی، ص 295۔</ref> یہ ضریح [[سنہ 1397 ہجری شمسی|1397ھ]] میں چچنیا کے صدر کے لئے کھول دیا گیا تھا۔<ref>«[https://www.mehrnews.com/news/4518388  تصاویری از گشودن درب خانہ حضرت زہرا (س) برای اولین بار»، ] خبرگزاری مہر۔</ref>

* ابن‌جوزی، عبدالرحمن بن علی‏، المنتظم، تحقیق محمد عبدالقادر عطا، مصطفی عبدالقادر عطا، بیروت، دارالکتب العلمیۃ، چاپ اول، 1412ھ۔

* ابن‌شہر آشوب، مناقب آل ابی‌طالب علیہم السلام، قم، انتشارات علامہ، چاپ اول، 1379ھ۔

* انصاری زنجانی خوئینی، اسماعیل، الموسوعۃ الکبری عن فاطمۃ الزہراء سلام اللہ علیہا، قم، دلیل ما، 1428ق/1386ہجری شمسی۔

* سلیم بن قیس، کتاب سلیم بن قیس، قم، الہادی، 1420ھ۔

* سمہودی، علی بن عبداللہ، وفاء الوفاء بأخبار دار المصطفی، بیروت، دار الکتب العلمیۃ، 2006م،

* طبرسی، فضل بن حسن، اعلام الوری بأعلام الہدی، تہران، دارالکتب الاسلامیۃ، چاپ سوم، 1390ھ۔

* طبری امامی، محمد بن جریر بن رستم، دلائل الإمامۃ، قم، بعثت، 1413ھ۔

* طبری، محمد بن جریر، تاریخ الامم و الملوک، مؤسّسۃالاعلمی، بیروت، چہارم، 1403ھ۔

* عاملی، سید جعفرمرتضی، مأساۃ الزہراء علیہا السلام، بیروت، دارالسیرۃ، 1418ھ۔

* قزوینی، محمدکاظم، فاطمہ الزہراء علیہ السلام من المہد الی اللحد، قم، دار الانصار، 2006ء۔

* کلینی، محمد بن یعقوب، الکافی، تصحیح علی‌اکبر غفاری، محمد آخوندی، تہران، دار الکتب الإسلامیۃ، چاپ چہارم، 1407ھ۔

* مجلسی، محمدباقر، بحار الانوار، بیروت، دارإحیاء التراث العربی، چاپ دوم، 1403ھ۔

* مسعودی، علی بن حسین، اثبات الوصیۃ، قم، انصاریان، 1384ہجری شمسی۔

* موسوی، سید محمدتقی، «[https://www.noormags.ir/view/fa/articlepage/1799213 پاسخ بہ شبہات تاریخی آتش زدن خانہ وحی در آیینہ‌ی تاریخ و روایات فریقین]»، تاریخ اسلام در آیینہ اندیشہ‌ہا، سال دوازدہم، شمارہ18، پاییز و زمستان 1399ہجری شمسی۔

{{پایان}}