"مصحف عثمانی" کے نسخوں کے درمیان فرق

'''مُصحَف عثمانی''' [[قرآن کریم]]  کا وہ نسخہ ہے جسے [[عثمان بن عفان]] کے حکم پر مرتب کیا گیا تھا۔ مصحف‌ عثمانی کے بعض نسخوں کو مصحف امام بھی کہا جاتا ہے۔ اس مصحف کی تدوین کا مقصد مسلمانوں کے درمیان قرآن کریم کے مختلف نسخوں اور ان کے درمیان اختلاف کا پایا جانا ہے۔ مصحف عثمانی کی تدوین کے بعد عثمان کے حکم پر باقی نسخوں کو نابود کیا گیا۔ مشہور قول کی بنا پر اس مصحف کو جمع کرنے والے چار افراد تھے جن میں [[زید بن ثابت]]، [[عبداللہ بن زبیر]]، [[سعید بن عاص]] اور عبدالرحمان بن حارث تھے۔

[[صحابہ]] اور [[شیعہ ائمہ]] نے مصحف عثمانی کی مخالفت نہیں کی؛ لیکن اس کے طرز تدوین اور بعض الفاظ کے حوالے سے مختلف اعتراضات سامنے آئے ہیں۔ [[علوم قرآن]] کے ماہرین اور محققین کا کہنا ہے کہ مصحف عثمانی میں بعض غلطیاں ہوئی ہیں لیکن ان کا عقیدہ ہے کہ یہ غلطیاں قرآن کریم کی تحریف کا موجب نہیں بن سکتیں کیونکہ ان غلطیوں کے باوجود بھی قرآن کے الفاظ محفوظ ہیں۔

کہا جاتا ہے کہ مصحف‌ عثمانی کے چار سے نو نسخے موجود تھے جن میں سے ہر ایک کو اس وقت کے اسلامی مناطق میں بھیجا گیا تھا تاکہ قرآن کی قرأت اور تلاوت میں یہ نسخہ مبنا و منبع قرار پائے۔ موجودہ دور میں ان نسخوں کا کوئی پتہ نہیں البتہ ان نسخوں سے بہت سارے نسخہ جات لکھے گئے جو اس وقت مسلمانوں کے پاس موجود ہیں اور انہی نسخوں سے دوسرے نسخہ جات شایع ہوتے رہے ہیں