"حضرت علی اور حضرت فاطمہ کی شادی" کے نسخوں کے درمیان فرق

[[حضرت علیؑ]] اور [[حضرت فاطمہؑ]] کی شادی [[ہجرت]] کے دوسرے سال [[ذوالحجہ]] کی پہلی تاریخ کو ہوئی جبکہ آپ دونوں کا صیغہ عقد پیغمبر اکرمؐ نے پہلے ہی جاری کر دیا تھا۔ بعض محققین کے مطابق عقد کے دس مہینے بعد رخصتی ہوئی تھی۔ حدیثی کتابوں کے مطابق حضرت علیؑ سے پہلے [[مہاجرین]] اور [[انصار]] میں سے کئی شخصیات نے پیغمبر اکرمؐ سے حضرت فاطمہؑ کا رشتہ مانگا تھا لیکن [[پیغمبر اکرمؐ]] نے ان رشتوں کی مخالفت فرمائی۔

حضرت زہراؑ کے مہریے کے بارے میں مختلف اعداد شمار منقول ہے اور 400 سے 500 درہم کے درمیان آپ کا مہریہ تھا جو شیعوں کے ہاں [[مہر السنہ]] کے نام سے معروف ہے۔ احادیث کے مطابق امام علیؑ نے اپنا زرہ بھیچ کر حضرت زہراؑ کا مہریہ ادا کیا۔ آپ دونوں کی شادی کی مناسبت سے پغمبر خداؐ نے مدینہ کے لوگوں کو ولیمہ دیا۔

رخصتی کے وقت پیغمبر اکرمؐ نے حضرت فاطمہؑ کا ہاتھ امام علیؑ کے ہاتھوں میں دیتے ہوئے دعا فرمائی: خدایا ان کے دلوں کو بھی آپس میں ایک دوسرے کی نزدیک قرار دے اور ان کی نسل کو مبارک قرار دے۔

==حضرت فاطمہؑ کا ہاتھ مانگنا==

شیعہ اور سنی کے منابع میں حضرت فاطمہؑ کا رشتہ مانگنے کے بارے میں مختلف قول نقل ہوئے ہیں. کہا گیا ہے کہ [[مدینہ]] میں، کچھ [[صحابہ]] جیسے [[ابوبکر]]، [[عمربن خطاب]] اور [[عبدالرحمن بن عوف]] فاطمہؑ کا ہاتھ مانگنے کے لئے آئے، لیکن پیغمبرؐ نے جواب میں فرمایا کہ آپؑ کی شادی خدا کے ہاتھ میں ہے اور فرمایا کہ میں خود اس بارے میں خدا کے حکم کا منتظر ہوں.<ref>ابن سعد، طبقات، ح۸، ص۱۱؛ قزوینی، فاطمة الزہراء از ولادت تا شہادت، ص۱۹۱.</ref>

بعض مہاجرین نے حضرت علیؑ سے کہا: کہ آپ حضرت فاطمہؑ کا رشتہ کیوں نہیں مانگتے؟ آپؑ نے جواب دیا: ''خدا کی قسم کے میرے پاس کچھ نہیں ہے'' تو مہاجرین نے کہا کہ پیغمبرؐ آپ سے کچھ نہیں مانگیں گے. آخر کار علیؑ رسول خداؐ کے پاس گئے لیکن شرم کی وجہ سے اس بارے میں کوئی درخواست نہ کی. تیسری بار آخر آپؑ نے اس بارے میں حضرت پیغمبرؐ سے بات کی. پیغمبرؐ نے فرمایا: کیا تمہارے پاس کوئی چیز ہے؟ علیؑ نے فرمایا: ''یا رسول اللہؐ ایک زرہ کے علاوہ کچھ نہیں ہے''. حضرت پیغمبرؐ نے حضرت فاطمہؑ کی ساڑھے بارہ اوقیہ سونا حق مہر رکھنے کے بعد حضرت علیؑ کے ساتھ شادی کر دی اور زرہ بھی حضرت علیؑ کو واپس لوٹا دی.<ref> اعلام الوری، ج۱، ص۱۶۱؛ تاریخ تحقیقی اسلام، محمد ہادی یوسفی غروی، ج۲، ص۲۵۱.</ref>

==نکاح کا خطبہ==

ابن شہر آشوب نے مناقب آل ابی طالب میں لکھا ہے کہ حضرت فاطمہؑ کی شادی کے وقت حضرت پیغمبرؐ منبر پر گئے اوریہ خطبہ ارشاد فرمایا:

<font color = green> {{حدیث|'''الحمد للہ المحمود بنعمتہ، المعبود بقدرتہ، المطاع فی سلطانہ، المرغوب الیہ فیما عندہ، المرہوب من عذابہ، النافذ امرہ فی سمائہ وارضہ، خلق الخلق بقدرتہ ومیّزہم باحکامہ واعزّہم بدینہ واکرمہم بنبیہ محمّد. انّ اللہ جعل المصاہرة نسباً لاحقاً وامراً مفترضاً وَشَج بہاالارحام والزمہا الانام. قال تعالی «ہو الذی خلق من الماءِ بشراً فجعلہ نسباً وصہراً'''}}</font> <ref> فرقان، آیہ ۵</ref>

*کلینی نے [[اصول کافی|کافی]] میں [[امام سجادؑ]] سے قول نقل کیا ہے کہ [[ہجرت مدینہ]]  کے ایک سال بعد، رسول اللہؐ نے حضرت فاطمہؑ کی شادی حضرت علیؑ کے ساتھ کر دی.<ref> روضہ کافی، ص۱۸۰.</ref> یہ قول، دوسرے قول جو طبرئ نے امام باقرؑ سے نقل کیا ہے اس کے ساتھ سازگار ہے جس میں بیان ہوا ہے کہ ہجری کے دوسرے سال صفر کا مہینہ شروع ہونے میں کچھ دن باقی تھے تو اس وقت علیؑ نے حضرت فاطمہؑ سے شادی کی.<ref>تاریخ طبری، ابو جعفر محمد بن جریر طبری، ج۲، ص۴۱۰</ref>

تاریخی منابع کے مطابق حضرت زہراءؑ کا حق مہر ٤٠٠ سے ٥٠٠ درہم کے درمیان تھا.<ref>ابن شہر آشوب، مناقب، ج۳، ص۳۵۰، ۳۵۱، و متقی ہندی، فاضل، کنزالعمال، ج۱۳، ص۶۸۰. </ref> امام رضاؑ کی حدیث کے مطابق حق مہر کی سنت، کہ جو ''مہرالسنہ'' سے مشہور ہے، وہ ٥٠٠ درہم معین ہوا تھا. <ref>علامہ مجلسی، بحار الانوار، ج۹۳، ص۱۷۰، روایت ۱۰ </ref>

بلال نے یہ سب تیار کیا اور رسول اللہؐ کے پاس لے آیا آپؐ نے یہ کھانا اپنے آگے رکھا. لوگ پیغمبرؐ کے حکم پر گروہ در گروہ [[مسجد]] میں داخل ہوئے اور سب نے کھانا کھایا جب سب نے کھا لیا تو کچھ مقدار میں جو بچ گیا تھا اسے آپؐ نے متبرک کیا اور بلال سے فرمایا: ''اس کھانے کو عورتوں کے پاس لے جاؤ اور کہو: یہ کھانا خود بھی کھائیں اور کوئی بھی اگر ان کے پاس آئے تو اسے بھی اس کھانے سے دیں'' <ref>یوسفی غروی، محمد ہادی، موسوعة التاریخ الاسلام، ج۲، ص۲۱۴.</ref>

شادی کے ولیمے کے بعد [[رسول خداؐ]] علیؑ کے ہمراہ گھر میں داخل ہوئے اور فاطمہؑ کو آواز دی. جب فاطمہؑ نزدیک آئیں، تو دیکھا کہ رسول اللہؐ کے ساتھ حضرت علیؑ بھی ہیں.  رسول اللہؐ نے فرمایا: نزدیک آ جاؤ. فاطمہؑ اپنے بابا کے نزدیک آئیں. رسول اللہؐ نے حضرت علیؑ اور حضرت فاطمہؑ کے ہاتھ کو پکڑا اور جب فاطمہؑ کا ہاتھ علیؑ کے ہاتھ میں دیا تو فرمایا: ''خدا کی قسم میں نے تمہارے حق میں کوئی کوتاہی نہیں کی اور تمہاری عزت کی اور اپنے خاندان کے بہترین فرد کو تمہارے لئے انتخاب کیا خدا کی قسم تمہاری شادی ایسے فرد سے کر رہا ہوں جو دنیا اور آخرت میں سید و آقا اور صالحین سے ہے... اپنے گھر کی طرف جائیں. خداوند یہ شادی آپکے لئے مبارک فرمائے اور آپکے کاموں کی اصلاح فرمائے. <ref>یوسفی غروی، محمد ہادی؛ موسوعة التاریخ الاسلام، ج۲، ص۲۱۴.</ref>

رسول خداؐ نے اسماء بنت عمیس سے فرمایا: ''ایک برتن میں میرے لئے پانی لے آؤ'' اسماء فوراً گئیں اور ایک برتن پانی کا بھر کر لے آئیں. آپؐ نے پانی کا ایک چلو بھرا اور اسے حضرت فاطمہؑ کے سر پر ڈالا اور پھر ایک چلو بھرا اور آپؑ کے ہاتھوں پر ڈالا اور کچھ پانی آپؑ کی گردن اور بدن پر ڈالا. پھر فرمایا: ''خدایا فاطمہ مجھ سے ہے اور میں فاطمہ سے ہوں. پس جس طرح ہر پلیدی کو مجھ سے دور کیا اور مجھے پاک وپاکیزہ کیا ہے اسی طرح اس کو بھی پاک و طاہر کر دے'' اس کے بعد فاطمہؑ سے فرمایا کہ یہ پانی پئیں اور اس سے اپنے منہ کو دھوئیں اور ناک میں ڈالیں اور کلی کریں. پھر پانی کا ایک اور برتن طلب کیا اور علیؑ کو بلایا اور یہی عمل دھرایا اور آپؑ کے لئے بھی اسی طرح دعا فرمائی اور پھر فرمایا:''خداوند آپ دونوں کے دلوں کو ایک دوسرے کے لئے نزدیک اور مہربان کرے اور آپکی نسل کو مبارک کرے اور آپکے کاموں کی اصلاح کرے''. <ref> یوسفی غروی، محمد ہادی؛ موسوعة التاریخ الاسلام، ج۲، ص۲۱۵</ref>

[[ar:زواج الإمام علي من فاطمة الزہراء عليهما السلام]]