"سلمان فارسی" کے نسخوں کے درمیان فرق

بعض روایات کے مطابق آپ ایک ایرانی کسان کا بیٹا اور آپ کا نام '''روزبہ''' تھا۔ بچپن میں آپ کے والدین کا مذہب زرتشت تھا۔ نوجوانی کے عالم میں آپ نے [[مسیحیت]] کو قبول کیا۔ شام کی جانب سفر کے دوران مسیحی علماء کی شاگردی اختیار کی۔ جب مسیحیوں کی زبانی [[حجاز]] میں ایک پیغمبر کے مبغوث ہونے کی پیشن گوئی سنی تو وہاں کا سفر کیا لیکن بنی کلب کے ہاتھوں اسیر ہو کر غلام کی حیثیت سے بنی قریظہ کے ایک شخص کے ہاتھوں فروخت ہوا۔ اپنے مالک کے ساتھ [[مدینہ]] آیا۔ وہاں [[پیغمبر اکرم(ص)]] کی زیارت نصیب ہوئی تو ان پر ایمان لے آئے۔ پیغمبر اکرم(ص) نے انہیں ان کے مالک سے خرید کر آزاد کیا اور سلمان نام رکھا۔

سلمان پیغمبر اکرم(ص) کی حیات میں آپ کے بہترین صحابی اور آپ(ص) کے چاہنے والوں میں سے تھا یہاں تک کہ رسول خدا(ص) نے آپ کے بارے میں فرمایا: سلمان ہم اہل بیت میں سے ہے۔ آپ نے پیغمبر اکمر(ص) کے ساتھ تمام جنگوں میں شرکت کی اور جنگ خندق کے موقع پر مدینہ کی حفاظت کی خاطر اس کے اردگرد خندق کھودنے کا مشورہ بھی سلمان ہی نے دیا تھا جو مشرکین کی شکست کا موجب بنا۔ رسول خدا(ص) کی رحلت کے بعد آپ کا شمار حضرت علی(ع) کے قریبی ساتھیوں میں ہوتا تھا۔ سقیفہ کے واقعے کا مخالف تھا لیکن ابوبکر کے خلیفہ منتخب ہونے پھر اس کے بعد عمر کا خلافت پر آنے کے بعد ان کے ساتھ ہمکاری کرتا تھا۔ عمر کی خلافت کے دوران سلمان مدائن کے گورنر منصوب ہوئے لیکن اس کے باوجود ٹوکریاں بناتا تھا اور اپنے ہاتھ کی کمائی کھاتا تھا۔ سلمان فارسی ایک لمبی عمر کے بعد سنہ ٣٦ ہجری میں وفات پائی۔ اس کی وفات مدائن میں ہوئی. اور وئیں پر دفن کئے گئے آپ کا مقبرہ سلمان پاک کے نام سے مشہور ہے۔