"سورہ نور" کے نسخوں کے درمیان فرق

|quote = <center>'''بِسْمِ اللّهِ الرَّحْمَنِ الرَّحِيمِ'''</center>

  |quote = <center>'''اللہ کے نام سے جو بہت رحم والا نہایت مہربان ہے'''</center>

یہ ایک سورہ ہے جسے ہم اتار رہے ہیں اور ان احکام کو نافذ کر رہے ہیں اور ہم اس میں کھلی ہوئی آیتیں اتار رہے ہیں کہ شاید تم نصیحت قبول کرو (1) زناکار عورت اور زناکار مرد، ہر ایک کو سو کوڑے لگاؤ اور تمہیں ان پر اللہ کی اطاعت میں ترس نہ آئے اگر تم اللہ اور آخرت پر ایمان رکھتے ہو اور ان دونوں کو سزا کے موقع پر مؤمنین میں سے ایک جماعت کو موجود ہونا چاہیے (2) زناکار مرد نہیں نکاح کرے گا سوا زناکار یا مشرک عورت کے اور زناکار عورت نہیں نکاح کرے گی اس سے سوا زناکار یا مشرک کے اور ایمان والوں پر یہ چیز حرام قرار دی گئی ہے (3) اور وہ جو پاک دامن عورتوں پر زنا کی تہمت لگائیں، پھر اس پر چار گواہ نہ پیش کریں تو انہیں اسی کوڑے لگاؤ اور ان کی کوئی گواہی کبھی قبول نہ کرو اور یہ لوگ فاسق ہیں (4) سوا ان کے جو اس کے بعد توبہ کریں اور اپنی اصلاح کر لیں تو بلاشبہ اللہ بخشنے والا ہے، بڑا مہربان (5) اور جو اپنی بیویوں پر زناکاری کا الزام لگائیں اور ان کے پاس خود ان کے سوا کوئی گواہ نہ ہوں تو ان میں سے کسی ایک کی گواہی معتبریوں ہو گی کہ وہ اللہ کی قسم چار دفعہ کھا کر کہے کہ وہ یقیناً سچوں میں ہے (6) اور پانچویں دفعہ یہ کہ اللہ کی لعنت اس پر اگر وہ جھوٹا ہو (7) اور اس عورت سے حد شرعی ختم کر دے گی یہ صورت کہ وہ چار دفعہ اللہ کی قسم کھا کر کہے کہ وہ (مرد) یقینا جھوٹوں میں سے ہے (8) اور پانچویں دفعہ یہ کہ اللہ کا غضب ہو اس (عورت) پر اگر وہ (مرد) سچوں میں سے ہو (9) اور اگر نہ ہوتا تم پر اللہ کا لطف و کرم اور اس کی مہربانی اور یہ کہ اللہ ہے توبہ قبول کرنے والا صحیح صحیح کام کرنے والا (10) بلاشبہ وہ لوگ جنہوں نے بدکاری کی جھوٹی تہمت لگائی، وہ تم ہی میں سے ایک جماعت ہے، اسے تم لوگ اپنے لئے برابر نہ سمجھو بلکہ وہ تمہارے لیے بہتر ہے، ہر آدمی کے لیے ان میں سے وہ ہے جتنا اس نے گناہ کیا ہے اور جو اس کے بڑے حصہ کا ذمہ دار ہے ان میں سے، اس کے لیے بہت بڑی سزا ہے (11) کیوں نہ ایسا ہوا کہ جب تم لوگوں نے اسے سنا تو باایمان مرد اور باایمان عورتیں اپنوں کی نسبت اچھا ہی گمان رکھتے اور کہتے کہ یہ ایک کھلا ہوا بہتان ہے (12) کیوں نہیں لائے وہ اس پر چار گواہ اب جب وہ گواہ نہیں لائے تو اللہ کے نزدیک یہی جھوٹے ہیں (13) اور اگر اللہ کا فضل و کرم تم پر نہ ہوتا اور اس کی رحمت دنیا اور آخرت میں تو جس بارے میں تم نے چرچا کیا، اس میں تم پر عذاب آ جاتا (14) جب کہ تم اس حکایت کو اپنی زبانوں پر لا رہے تھے اور اپنے منہ سے کہہ رہے تھے وہ بات جس کا تمہیں خود علم نہیں ہے اور تم اسے بڑی معمولی چیز سمجھ رہے تھے، حالاں کہ وہ اللہ کے نزدیک بہت بڑی بات تھی (15) اور کیا نہ ایسا ہوا کہ جب تم نے اسے سنا تو کہتے کہ ہمیں زیبا نہیں کہ یہ بات زبان سے نکالیں حاشاو کلا یہ بہت بڑا بہتان ہے (16) اللہ تمہیں سمجھاتا ہے کہ اب دوبارہ کبھی ایسی بات نہ کرنا اگر تم باایمان ہو (17) اور اللہ تمہارے لئے اپنی باتیں صاف صاف پیش کرتا ہے اور اللہ جاننے والا ہے۔ بڑا سوجھ بوجھ والا (18) بلاشبہ وہ جو چاہتے ہیں کہ بدکاری کی مسلمانوں کی جماعت میں اشاعت ہو ان کے لئے دنیا اور آخرت میں دردناک عذاب ہے اور اللہ جانتا ہے اور تم جانتے نہیں ہو (19) اور اگر نہ ہوتا اللہ کا فضل و کرم تم پر اور اس کی رحمت اور یہ کہ اللہ بڑا شفیق ہے، مہربان (20) اے ایمان لانے والو! شیطان کے قدم بقدم نہ چلو اور جو شیطان کے قدم بقدم چلے گا تو وہ بلاشبہ شرمناک کام اور برائی ہی کے لئے کہتا ہے اور اگر نہ ہوتا اللہ کا فضل و کرم تم پر اور اس کی رحمت تو تم میں سے ایک بھی کبھی پاک و صاف نہ رہتا مگر اللہ جسے چاہتا ہے اس کے نفس کو پاک رکھتا ہے اور اللہ سننے والا بڑا جاننے والا ہے (21) اور قسم نہیں کھانا چاہیے تم میں سے انہیں جن کو اللہ نے مال و دولت کی فراوانی اور گنجائش عطا کی ہے اس بارے میں کہ وہ دیں صاحبان قرابت اور عزیزوں اور اللہ کی راہ میں ہجرت کرنے والوں کو اور چاہیے کہ وہ معاف کر دیں اور درگزر سے کام لیں، کیا تم یہ نہیں چاہتے کہ اللہ تمہیں بخش دے اور اللہ بخشنے والا ہے بڑا مہربان (22) وہ جو تہمت لگاتے ہیں پاک دامن بے خبر با ایمان خواتین کو ان پر لعنت ہے دنیا اور آخرت میں اور ان کے لئے بہت بڑا عذاب ہے (23) جس دن ان کے خلاف گواہی دیں گی خود ان کی زبانیں اور ان کے ہاتھ اور ان کے پیر ان تمام کاموں کے متعلق جو وہ کرتے تھے (24) اس دن اللہ ان کی پوری پوری جزا سزا انہیں پہنچائے گا اور انہیں معلوم ہو گا کہ اللہ ہی وہ حق ہے جو روشن و نمایاں ہے (25) ناپاک باتیں ناپاک لوگوں کے لیے ہوتی ہیں اور ناپاک آدمی ناپاک باتوں کے لیے اور صاف ستھری باتیں صاف ستھرے آدمیوں کے لیے ہوتی ہیں اور صاف ستھرے آدمی صاف ستھری باتوں کے لیے، یہ لوگ بری ہوتے ہیں اس سے جو وہ لوگ کہتے ہیں۔ ان کے لیے بخشش ہے اور عزت دار روزی (26) اے ایمان لانے والو! اپنے گھروں کے سوا اور گھروں میں داخل نہ ہو جب تک کہ اجازت حاصل نہ کر لو اور سلام نہ کر لو، اسکے رہنے والوں کو یہ تمہارے لیے بہتر ہے، شاید کہ تم نصیحت قبول کرو (27) تو اگر ان میں کسی آدمی کو نہ پاؤ تو داخل نہ ہو ان میں جب تک کہ تمہیں اجازت نہ مل جائے اور اگر تم سے کہا جائے کہ واپس جاؤ تو واپس ہو جاؤ۔ یہ تمہارے اخلاق کی درستی کا زیادہ ثبوت ہو گا اور اللہ ان کاموں کو جو تم کرتے ہو جاننے والا ہے (28) تمہارے لیے کوئی حرج نہیں ہے کہ تم داخل ہو ایسے مکانات میں جن میں کوئی بود و باش نہیں رکھتا ہو جس میں تمہارے فائدے کا کوئی سامان ہے اور اللہ جانتا ہے اسے جو تم ظاہر کرتے ہو اور جو تم چھپاتے ہو (29) ایمان لائے ہوئے مردوں سے کہئے کہ وہ ذرا بند رکھیں اپنی آنکھیں اور بچائے رہیں اپنے اعضائے پوشیدہ۔ یہ ان کے اخلاق کی درستی کا زیادہ ثبوت ہے، یقینا اللہ باخبر ہے اس سے جو وہ کرتے ہیں (30) اور ایمان والی عورتوں سے کہئے کہ اپنی نگاہوں کو ذرا بند رکھیں اور اپنے پوشیدہ اعضا کی حفاظت کریں اور اپنے بناؤ سنوار کو ظاہر نہ کریں سوا اس کے جو اوپر سے نمایاں ہو اور چاہیے کہ اپنی اوڑھنیوں کو لٹکا کر گریبان پر ڈال لیں اور اپنے بناؤ سنگھار کو ظاہر نہ کریں کسی پر سوا اپنے شوہروں یا اپنے باپ داداؤں یا اپنے شوہروں کے باپ داداؤں یا اپنی اولاد… یا اپنے شوہروں کی اولاد یا اپنے (نسبی) بھائیوں یا اپنے بھتیجوں یا اپنے بھانجوں یا اپنی عورتوں یا اپنے ان غلاموں اور ان نوکر چاکر مردوں کے جن میں جنسی خواہش باقی نہیں رہی ہے یا ان بچوں کے جو عورتوں کی پوشیدہ خصوصیات سے واقف نہیں ہیں اور اپنے پیر نہ ماریں کہ جو بناؤ سنگھار وہ چھپائے ہوئے ہیں، معلوم ہو اور تم سب اے اہل ایمان! اللہ سے لو لگاؤ، شاید تم دین و دنیا کی بہتری حاصل کرو (31) اور شادی کرو بے شوہر عورتوں اور نیک چلن اشخاص کی اپنے غلاموں اور کنیزوں میں سے۔ اگر وہ محتاج ہوں گے تو اللہ اپنے فضل و کرم سے انہیں مالدار بنا دے گا اور اللہ گنجائش والا ہے، بڑا جاننے والا (32) اور ضبط نفس سے کام لینا چاہیے انہیں جن کے لیے شادی کا موقع نہ ہو، یہاں تک کہ اللہ اپنے فضل و کرم سے انہیں وسعت عطا فرمائے اور جو تمہارے مملوکہ غلاموں، کنیزوں میں بالمعاوضہ آزادی کا معاہدہ چاہیں یا ان کے ساتھ معاوضہ لے کر آزاد کرنے کا معاہدہ کر لو، اگر جانو ان میں کسی طرح کی بھلائی اور انہیں کچھ عطا کرو اللہ کی طرف کے مال سے جو اس نے تمہیں دیا ہے اور اپنی جوان کنیزوں کو اگر وہ اپنے کو محفوظ رکھنا چاہتی ہیں، بدکاری پر مجبور نہ کرو، صرف اس لیے کہ تم کچھ دنیوی زندگی کا سامان حاصل کرو اور جو کوئی زبردستی کرے گا ان پر تو اللہ ان کے مجبور کیے جانے کے بعد بخشنے والا ہے، بڑا مہربان (33) اور بے شک ہم نے تم لوگوں کی جانب کھلی ہوئی نشانیاں بھیجی ہیں اور مثالیں ان لوگوں کی جو تمہارے پہلے گزر گئے اور نصیحت پرہیز گاروں کے لیے (34) اللہ آسمان اور زمین کا اجالا ہے، اس کی روشنی کی مثال اس گلوب کی سی ہے جس میں چراغ ہو، وہ چراغ ایک شیشہ کی چمنی کے اندر ہو، وہ شیشہ ایسا ہو جیسے چمکتا ہوا تارا، وہ روشن ہوتا ہو ایک بابرکت درخت زیتون سے جو نہ مشرق کی طرف کا ہے اور نہ مغرب کی طرف کا کہ کچھ دور نہیں اس کا تیل آپ ہی آپ بھڑک اٹھے چاہے اس سے آگ چھو بھی نہ جائے روشنی بالائے روشنی، اللہ اپنی روشنی کی طرف رہنمائی کرتا ہے جس کی چاہتا ہے اور وہ مثالیں پیش کرتا ہے لوگوں کے لئے اور اللہ ہر چیز کا جاننے والا ہے (35) ان گھروں میں جن کے لیے اللہ نے طے کر دیا ہے کہ وہ بلند کیے جائیں اور ان میں اللہ کو یاد کیا جائے، اس کی تسبیح کرتے رہتے ہیں ان میں صبح و شام (36) وہ افراد جنہیں کوئی بیوپار اور کوئی بیچ کھوچ کرنے کا مشغلہ اللہ کو یاد کرنے اور نماز کو قائم کرنے اور زکوٰة دینے سے غافل نہیں بناتا وہ ڈرتے ہیں اس دن سے جس میں دل اور نگاہیں الٹ پلٹ ہو جائیں گی (37) تاکہ اللہ انہیں معاوضہ دے بہترین اعمال کا جو انہوں نے کیے اور انہیں اور زیادہ عطا کرے اپنے فضل و کرم سے اور اللہ جسے چاہتا ہے عطا کرتا ہے بے سان گمان کے (38) اور جنہوں نے کفر اختیار کیا، ان کے اعمال مثل سراب کے ہیں ایک ریگستانی میدان میں جسے پیاسا پانی سمجھتا ہے، یہاں تک کہ جب اس کے پاس گیا تو اسے کچھ نہ پایا اور اللہ کو اسکے پاس پایا تو اس نے اس کا پورا پورا حساب لے لیا اور اللہ بڑا تیز حساب لینے والا ہے (39) یامثل اندھیروں کے گہرے سمندر کے جس پر لہر پر لہر آ کر چھا رہی ہو جس کے اوپر سے بادل ہو اندھیرے ایک کے اوپر ایک جب اپنا ہاتھ نکالے تو اسے دیکھنے کا امکان بہت کم ہے اور جس کے لیے اللہ روشنی قرار نہ دے، اس کے لیے کوئی روشنی نہیں ہے (40) کیا تم نے نہیں دیکھا کہ اللہ کی تسبیح کرتے ہیں وہ جو آسمانوں اور زمین میں ہیں اور پرندے صف باندھے ہوئے ہر ایک جانتا ہے۔ اپنی نماز اور تسبیح کو اور اللہ جاننے والا ہے اس کا جو وہ کرتے ہیں (41) اور اللہ کے لیے ہے سلطنت آسمانوں اور زمین کی اور اللہ ہی کی طرف پلٹنا ہے (42) کیا تم نے نہیں دیکھا کہ اللہ حرکت میں لاتا ہے بادل کو، پھر اس کے اجزا کو جمع کرتا ہے پھر اسے تہہ بہ تہہ بناتا ہے، تو تم دیکھو گے بڑے بڑے بوندوں کو کہ وہ نکلتے ہیں اس کے اندر سے اور اتارتا ہے پہاڑوں کی بلندی سے ابر جس میں اولے ہوتے ہیں تو گراتا ہے انہیں جس پر چاہتا ہے اور ہٹائے رکھتا ہے انہیں جس سے چاہتا ہے، نزدیک ہے کہ اس کی بجلی کی چمک نگاہوں کی طاقت ختم کرے (43) اور رات اور دن کو پلٹے کھلاتا ہے۔ بلاشبہ اس میں آنکھ کھولنے کا سامان ہے نگاہوں والوں کے لیے (44) اور اللہ نے پیدا کیا ہر نقل و حرکت کرنے والے جاندار کو ایک خاص شان کے پانی سے تو ان میں کوئی وہ ہے جو اپنے پیٹ کے بل چلتا ہے اور کوئی دو پیروں میں چلتا ہے اور کوئی چار پر، اللہ جو چاہتا ہے پیدا کرتا ہے، یقینا اللہ ہر چیز پر قادر ہے (45) بلاشبہ ہم نے اتاریں پردہ کشائی کرنے والی آیتیں اور اللہ جسے چاہتا ہے سیدھے راستے پر چلنے کی توفیق دیتا ہے (46) اور وہ کہتے ہیں کہ ہم اللہ پر ایمان لائے اور پیغمبر پر اور ہم نے اطاعت کی، پھر اس کے بعد ایک جتھا ان میں کا روگردانی اختیار کرتا ہے اور یہ لوگ ایمان والے ثابت نہیں ہوتے (47) اور جب انہیں اللہ اور اس کے پیغمبر کی طرف بلایا جاتا ہے کہ وہ ان کے درمیان فیصلہ کر دے تو ایک دم یہ نظر آتا ہے کہ ان میں کی ایک جماعت روگردانی اختیار کرتی ہے (48) اور اگر حق میں ان کا فائدہ ہو تو آئیں گے اس کی طرف سر جھکائے ہوئے (49) کیا ان کے دلوں میں کوئی بیماری ہے یا وہ شک میں مبتلا ہو گئے ہیں یا وہ ڈرتے ہیں کہ اللہ ان کے ساتھ زیادتی کرے گا یا اس کے پیغمبر؟ (ہرگز نہیں) بلکہ یہ لوگ خود زیادتی کرنے والے ہیں (50) ایمان والوں کی جب انہیں اللہ اور اس کے پیغمبر کی طرف بلایا جاتا ہے کہ وہ ان کے درمیان فیصلہ کر دیں، بس یہ بات ہوتی ہے کہ وہ کہتے ہیں ہم نے سنا اور اطاعت کی اور یہی لوگ دین و دنیا کی بہتری حاصل کرنے والے ہیں (51) اور جو اللہ اور اس کے پیغمبر کی اطاعت کرے اور اس سے ڈرے اور اس کی مخالفت سے بچے۔ تو یہی لوگ کامیاب ہیں (52) اور وہ اپنی ممکن طاقت بھر اللہ کی قسمیں کھاتے ہیں کہ اگر آپ انہیں حکم دیں گے تو وہ ضرور نکلیں گے، کہئے کہ قسمیں نہ کھاؤ، یہ تو فرماں برداری کا عام تقاضا ہی ہے، بلاشبہ اللہ جو کچھ تم کرتے ہو، اس سے واقف ہے (53) کہہ دیجئے کہ اللہ کی اطاعت کرو اور اس کے پیغمبر کی اطاعت کرو اب اگر تم روگردانی کرو تو اس کے اوپر تو وہ ہے جو اس پر بار ڈالا گیا ہے اور تمہارے اوپر وہ ہے جو تم پر بار ڈالا گیا ہے اور اگر تم اس کی اطاعت کرو تو سیدھا راستا حاصل کرو گے اور پیغمبر کے ذمہ نہیں ہے مگر صاف طور پر پہنچا دینا (54) اللہ کا وعدہ ہے تم میں ان افراد سے جو باایمان ہیں اور نیک اعمال کرتے رہے ہیں کہ وہ انہیں روئے زمین پر خلیفہ قرار دے گا جس طرح انہیں خلیفہ بنایا تھا جو ان کے پہلے تھے اور ضرور اقتدار عطا کرے گا ان کے اس دین کو جو اس نے ان کے لیے پسند کیا ہے اور ضرور بدل دے گا انہیں ان کے ہر خوف کو امن و اطمینان میں؛ وہ میری عبادت کریں گے اس طرح کہ میرے ساتھ کسی کو شریک نہ کریں گے اور جو اس کے بعد کفر اختیار کرے تو یہی فاسق لوگ ہوں گے (55) اور نماز ادا کرتے رہو اور زکوٰة دیتے رہو اور پیغمبر کی اطاعت کرو، شاید تم پر رحمت کا نزول ہو (56) انہیں جو کافر ہیں، ہرگز نہ سمجھو قابو سے باہر ہو جانے والے اطراف زمین میں اور ان کا ٹھکانا دوزخ ہے اور کیا بری جگہ وہ ہے (57) اے ایمان لانے والو! ان غلاموں کو جو تمہاری ملکیت میں ہوں اور ان بچوں کو بھی تم میں سے جو حد بلوغ تک نہیں پہنچے، لازم ہے کہ تین وقتوں میں تمہارے پاس اجازت لے کر آئیں۔ نماز صبح کے پہلے تک اور اس وقت جب تم دوپہر کو اپنے کپڑے اتار دیتے ہو اور عشا کی نماز کے بعد۔ یہ تین وقت تمہارے لیے پردہ داری کے ہیں۔ ان اوقات کے علاوہ تم پر اور ان پر کوئی سختی نہیں ہے۔ تمہیں آپس میں ایک دوسرے کی طرف چکر لگانا ہی ہیں، اس طرح اللہ تمہارے لیے آیتوں کو صاف صاف پیش کرتا ہے اور اللہ جاننے والا ہے، بڑی سوجھ بوجھ والا (58) اور جب لڑکے تم میں کے بالغ ہو جائیں تو انہیں اسی طرح اجازت لینا چاہیے جیسے ان کے پہلے دوسرے لوگ لیا کیے ہیں۔ اس طرح اللہ اپنی آیتوں کو تمہارے لیے واضح طور پر پیش کرتا ہے اور اللہ جاننے والا ہے، بڑی سوجھ بوجھ والا (59) اور وہ ازکار افتادہ عورتیں جو تعلقات ازدواجی کا کوئی تصور نہیں رکھتیں، ان پر کوئی گناہ نہیں ہے کہ وہ اپنے اوپر کے کپڑے اتار کر رکھ دیں درآنحالیکہ آرائش کرکے ادھر ادھر نہ پھریں اور اگر پارسائی سے کام لیں تو ان کے لیے بہتر ہے اور اللہ سننے والا ہے بڑا جاننے والا (60) اندھے پر کوئی گناہ نہیں ہے اور نہ لنگڑے پر کوئی گناہ ہے اور نہ بیمار پر کوئی گناہ ہے اور نہ خود تم پر اس بات میں کہ کھاؤ اپنے گھروں سے یا اپنے باپ دادا کے گھروں سے یا اپنی ماؤں کے گھروں سے یا اپنے چچاؤں کے گھروں سے یا اپنی پھوپھیوں کے گھروں سے یا اپنے ماموؤں کے گھروں سے یا اپنی خالاؤں کے گھروں سے یا جس گھر کی کنجیاں تمہارے ہاتھ میں ہیں یا اپنے دوست کے یہاں سے۔ نہیں ہے تم پر کوئی گناہ کہ تم کھاؤ اکٹھا یا الگ الگ تو جب کچھ گھروں میں داخل ہو تو اپنے آدمیوں کو سلام کرو۔ یہ ہدیہ ہے اللہ کی طرف کا مبارک پاکیزہ۔ اس طرح اللہ آیتیں تمہارے لیے واضح طور پر پیش کرتا ہے شاید تم عقل سے کام لو (61) ایمان والے بس وہ ہیں جو اللہ اور اس کے پیغمبر پر ایمان رکھتے ہوں اور جب اس (پیغمبر ) کے ساتھ کسی مشترک معاملہ پر غور میں مصروف ہوں تو جائیں نہیں جب تک آپ سے اجازت نہ لے لیں، یقینا وہ جو آپ سے اجازت طلب کرتے ہیں، وہ یہ ہیں جو اللہ اور اس کے پیغمبر پر ایمان رکھتے ہیں تو جب وہ آپ سے اپنی کچھ ضروریات کی وجہ سے اجازت مانگیں تو ان میں سے جسے چاہیے اجازت دے دیجئے اور ان کے لیے اللہ سے بخشش کی دعا کیجئے، بلاشبہ اللہ بخشنے والا ہے، بڑا مہربان (62) نہ بناؤ پیغمبر کے پکارنے کو اپنے درمیان اس طرح جیسے تم میں سے ایک دوسرے کو پکارتا ہے۔ اللہ جانتا ہے تم میں کے ان لوگوں کو جو پناہ لیتے ہوئے کھسک جاتے ہیں تو ڈرنا چاہیے انہیں جو اس کے حکم سے انحراف کرتے ہیں اس بات سے کہ پہنچے انہیں کوئی آزمائش یا پہنچے انہیں دردناک عذاب (63) معلوم ہونا چاہیے کہ اللہ کا ہے جو کچھ آسمانوں اور زمین میں ہے، وہ جانتا ہے اسے جس پر تم ہو اور جس دن وہ اس کی طرف پلٹیں گے تو وہ بتائے گا انہیں جو کچھ وہ کرتے رہے تھے اور اللہ ہر چیز کا جاننے والا ہے (64)۔