"ذوالفقار" کے نسخوں کے درمیان فرق

ذوالفقار امام علی(ع) کی مشہور تلوار کا نام ہے. اور کیونکہ اس تلوار کی پشت ریڑھ کے مہروں کی طرح سیدھی تھی، اس لئے اس کو ذوالفقار کہا گیا. لوگوں کے درمیان، ذوالفقار کا معنی امام علی(ع) کی قدرت اور شجاعت ہے اور مذہبی نگاہ میں آپ(ع) کی تصویر اس طریقے سے پیش کرتے ہیں کہ گویا آپ(ع) نے اپنی ذوالفقار ہاتھ میں اٹھائی ہوئی ہے. اور یہ کہ اس تلوار کی شکل کیسی تھی اس بارے میں مختلف نظریے ہیں اگرچہ اکثر اس تلوار کے بارے میں کہا گیا ہے کہ اس کے دو سر ہیں، لیکن عمدہ منابع نے اس کو عام تلواروں کی طرح کہا ہے.

اس تلوار کو ذوالفقار کا نام دینے کی دو وجہ ذکر ہوئی ہیں:

فقرہ اور فقرات: اس کی وجہ سے ''ذوالفقار'' کا معنی صاحب فقرات ہے. [١] فقرہ کا معنی کمر کا مہرہ ہے. کہا گیا ہے کہ کیونکہ اس تلوار کی پشت ریڑھ کے مہروں کی طرح سیدھی تھی، اس لئے اسے یہ نام دیا گیا ہے. [٢]

فقر اور بے نصیبی: روایت ہے کہ امام باقر(ع) سے اس تلوار کے نام کے بارے میں سوال کیا گیا. آپ(ع) نے فرمایا: علی(ع) نے اس تلوار ''ذوالفقار'' سے کسی کو ضرب نہ لگائی، مگر یہ کہ اس کو دنیا میں اپنے خاندان اور بچوں سے دور اور آخرت میں بہشت سے دور کیا. [٣]

عام لوگوں اور مذہبی نگاہ نظر میں اس تلوار کے دو سر تھے. بعض منابع میں بھی یہ نظر قابل قبول ہے، مثال کے طور پر میرزا قمی اور ابن شہر آشوب اس نظریے کو قبول کرتے ہیں. [٤]

جس کی مثال ''محمد رسول اللہ'' کی فیلم میں جب امام علی(ع) کی تلوار کو جنگ بدر میں دکھایا گیا ہے.

یہ تلوار ابتداء میں پیغمبر(ص) کے پاس تھی. [٦] اور یہ کہ ذوالفقار کس طرح امام علی(ع) کے ہاتھ میں پہنچی اس بارے میں مختلف نظریے موجود ہیں:  

امام رضا(ع) سے منسوب حدیث میں آیا ہے کہ جبرئیل(ع) نے اسے آسمان سے اپنے ساتھ لایا تھا. [٧]

بعض دیگر روایات کے مطابق رسول خدا(ص) نے فرمایا: خدای تبارک و تعالیٰ نے مجھے ذوالفقار عطا کی، اور فرمایا: اے محمد اسے لے  اور اسے اہل زمین میں جو سب سے بہترین ہے اسے عطا فرما، میں نے عرض کیا خدایا وہ کون ہے؟ خداوند سبحانہ و تعالیٰ نے کہا وہ زمین پر میرا خلیفہ علی بن ابی طالب(ع) ہے. [٨]

ایک اور نظر کے مطابق ذوالفقار وہ ہدیہ تھا جو بلقیس نے حضرت سلیمان(ع) کے لئے بھیجا اور یہ ذوالفقار منبہ بن حجاج کے ہاتھ میں آ گئی اور جنگ بدر میں امام علی(ع) نے اسے قتل کیا اور ذوالفقار اس سے لے لی. [٩]

طبری کہتا ہے کہ تلوار عاص بن منبہ کی تھی جو جنگ بدر میں مارا گیا اور یہ تلوار حضرت محمد(ص) تک پہنچی اور آپ(ص) نے جنگ احد میں اسے علی(ع) کو عطا فرمایا. [١٠] اس جنگ میں علی(ع) نے پیغمبر(ص) کے حق میں بہت جانثاری کی یہاں تک کہ جبرئیل(ع) نازل ہوئے اور علی(ع) کے ایثار کو حضرت پیغمبر(ص) کے لئے بیان کیا اور کہا: یہ فداکاری کی انتہا ہے جو علی(ع) نے دکھائی ہے. رسول خدا(ص) نے بھی فرمایا: ''میں علی سے ہوں اور وہ مجھ سے ہے'' اس کے بعد آسمان سے ایک آواز سنائی دی گئی: ''لا سیف الا ذوالفقار، ولا فتیٰ الا علی، علی جیسا جوان کوئی نہیں اور ذوالفقار جیسی تلوار کوئی نہیں. [١١]