"صارف:E.musavi" کے نسخوں کے درمیان فرق

ناصر مکارم شیرازی (متولد ۱۳۰۵ ش) شیعہ مراجع تقلید میں سے ہیں اور قم میں فقہ و اصول فقہ کے درس خارج کے اساتذہ میں شامل ہیں۔ ان کا نام ان سات مراجع تقلید کی فہرست میں آتا ہے جسے جامعہ مدرسین حوزہ علمیہ قم نے سن ۱۳۷۳ ش میں پیش کیا تھا۔ مکارم شیرازی نے جوانی کے ایام سے ہی کتابوں کی تالیف کا آغاز کر دیا تھا، ۱۳۹۰ ش کی دہائی تک ان کی تالیف و طبع شدہ کتب کی تعداد سو تک پہچ چکی تھی۔ وہ مجلہ مکتب اسلام کے مدیروں میں سے خاص طور پر ایران میں اسلامی اسلامی کی کامیابی سے پہلے، رہ چکے ہیں۔ تفسیر نمونہ، عصر حاضر کی مھم ترین تفاسیر قرآن مجید میں سے ایک ہے جسے ایک گروہ نے ان کی سرپرستی میں تالیف کیا ہے۔ مکارم شیرازی ایسے فتاوی کے مالک ہیں جو فقہ شیعہ امامیہ میں کم سابقہ ہیں، جیسے سگریٹ نوشی کی حرمت اور عدم نجاست ذاتی کفار۔ دینی مدارس جیسے مدرسہ علمیہ امام کاظم (ع)، تحقیقاتی ادارے جیسے مرکز تخصصی شیعہ شناسی، اور اسی طرح سے سٹیلائٹ ٹی وی چینل ولایت ان اداروں میں شامل ہیں جو ان کے دفتر کی طرف سے چلائے جا رہے ہیں۔