"سورہ فجر" کے نسخوں کے درمیان فرق

{{حدیث|قسم ہے صبح کی (1) اور دس راتوں کی (2) اور جفت اور طاق کی (3) اور رات کی جب کہ وہ رخصت ہو رہی ہو (4) کیا اس میں کوئی قسم صاحب عقل کے لئے توجہ کے قابل ہے (5) کیا تم نے نہیں دیکھا کہ تمہارے پروردگار نے اونچے ستونوں والے عاد (6) ارم کے ساتھ کیا کیا (7) جن کی ایسی کوئی قوم ان ملکوں میں پیدا نہیں ہوئی تھی (8) اور ثمود کے ساتھ جنہوں نے وادی میں چٹانیں تراش کر عمارتیں بنائی تھیں (9) اور میخوں والے فرعون کے ساتھ (10) جنہوں نے ملکوں میں سرکشی کی تھی (11) اور بہت بڑا فساد پھیلایا تھا (12) تو اللہ نے ان پر عذاب کے تازیانے برسائے (13) یقینا تمہارا پروردگار گھات میں لگا ہوا ہے (14) مگر انسان جب اس کا پروردگار اسے آزمائش میں ڈالتا ہے۔ اور اسے عزت اور نعمت دیتا ہے تو وہ کہتا ہے کہ میرے پروردگار نے میری عزت افزائی کی (15) اور جب اسے آزمائش میں ڈالتا ہے تو اس پر اس کی روزی میں تنگی کرتا ہے تو وہ کہتا ہے کہ میرے پروردگار نے مجھے ذلت دے دی (16) ہرگز نہیں بلکہ تم ہو کہ یتیم سے عزت کا برتاؤ نہیں کرتے (17) اور غریب کو کھانا کھلانے پر ایک دوسرے کو آمادہ نہیں کرتے (18) اور میراث کا مال اکٹھا کر کے کھاتے ہو (19) اور مال سے بہت زیادہ محبت کرتے ہو (20) ہرگز نہیں جب زمین پوری طرح کوٹ پیٹ کر سپاٹ بنا دی جائے گی (21) اور تمہارا پروردگار آ جائے گا اور فرشتے صف در صف (22) اور دوزخ کو اس دن لے آیا جائے گا اس وقت انسان کو سبق ملے گا مگر اب اس سبق لینے سے کیا فائدہ ہو گا (23) وہ کہے گا کاش میں نے آج کے دن کے لئے کچھ کر رکھا ہوتا (24) تو اس دن اللہ کا سا عذاب دینے والا کوئی نہیں (25) اور اس کے ایسا گرفت میں لینے والا کوئی نہیں (26) اے پورا اطمینان رکھنے والے نفس! (27) تو پلٹ آ اپنے پروردگار کی طرف اس طرح کہ تو اس سے خوش رہے اور وہ تجھ سے خوش ہو (28) تو شامل ہو جا میرے خاص بندوں میں (29) اور داخل ہو جا میری جنت میں (30)}}