"عجب" کے نسخوں کے درمیان فرق

عٌجب یعنی اپنے نیک اعمال سے خوش ہونا اور اسے اپنی نگاہ میں بڑا سمجھنا، اور یہ بھول جائے کہ یہ سب کچھ خدا کی طرف سے ہے، بلکہ اسے اپنی طرف سے سمجھے اور اس کے برباد اور ختم ہونے کے بارے میں نہ ڈرے. [١] البتہ ملا احمد نراقی کی نگاہ میں، عٌجب اپنے آپ کو بڑی شخصیت، اور صاحب کمال فرض کرنا ہے. [٢]

عٌجب کا معنی تکبر کے نزدیک ہے اتنا فرق ہے کہ عٌجب میں انسان خود کا دوسروں کے ساتھ موازنہ نہیں کرتا لیکن تکبر میں، انسان خود کو دوسروں سے بہتر اور اونچا سمجھتا ہے. [٣]

عٌجب اور ادلال کے درمیان یہ فرق ہے کہ عٌجب میں انسان بعض اعمال اور عبادات کو انجام دے کر خدا پر منت لگاتا ہے اور اپنے اعمال کو بڑا سمجھتا ہے، لیکن ادلال میں اس کے علاوہ، انسان خود کو حق کا مستحق سمجھتا ہے اور کسی چیز سے خوف و ڈر نہیں رکھتا. [٤]

اخلاق کے علماء نے عٌجب کے لئے مختلف اسباب اور محرک بیان کئے ہیں. فیض کاشانی نے املحجۃالبیضاء میں، جمال و خوبصورتی، قدرت و توانائی، عقل و سمجھداری، نسب و خاندان، سلاطین اور حکمرانوں سے وابستہ ہونا، کثرت اولاد، مال و دولت و فکر وغیرہ کو عٌجب کے اسباب کہے ہیں. [٥] آپ نے آیات <font size=3px , font color=green>{{حدیث| "وَ يَوْمَ حُنَيْن اذْ اعْجَبَتْكُمْ كَثْرتُكُمْ"}}</font> [٦] سورہ حشر کی آیت ٢، سورہ کہف کی آیت ١٤٠ کو عٌجب سے نسبت دی ہے. [٧] نراقی کا کہنا ہے کہ، عٌجب اور عبادت ایک دوسرے کے مخالف ہیں، کیونکہ عبادت یعنی خدا کے سامنے ذلت و انکساری کا اظہار کرنا، جب کہ عٌجب میں یہ نہیں ہے. [٨] 

* نیک اعمال کا برباد ہونا، پیغمبر اسلام(ص) سے نقل ہوا ہے کہ عٌجب انسان کے ستر سال کے اعمال کو ختم کر دیتا ہے. [٩] امام صادق(ع) سے نقل کی گئی روایت کے مطابق، دو شخص، ایک فاسق اور ایک عابد مسجد میں داخل ہوئے، لیکن جب مسجد سے نکلنے لگے تو، فاسق عابد اور عابد فاسق ہو گیا تھا کیونکہ عابد مسجد میں عٌجب کا شکار ہو گیا تھا اور اپنی عبادت پر فخر محسوس کر رہا تھا، لیکن فاسق توبہ کی فکر میں تھا، اور استغفار کرتا رہا. [١٠]

* تکبر، عٌجب کی نشئت اور اسباب کو تکبر کہا گیا ہے. [١١]

* اپنے اعمال اور عبادات کو بڑا سمجھنا، اور اللہ تعالیٰ پر احسان کرنا. [١٢]

روایات میں عقل کا ختم ہونا، [١٣][١٤]، ہلاکت [١٥] اور تنہائی [١٦] عٌجب کے نتائج ہیں، اسی طرح عٌجب علم حاصل کرنے، [١٧] اور کمال تک پہنچنے میں رکاوٹ ہے. [١٨]

نہج البلاغہ میں جو روایات ذکر ہوئی ہیں ان کے مطابق، جو گناہ انسان کو پریشان کر دے اور اسے معذرت خواہی کرنے پر مجبور کرے وہ اس نیک کام سے بہتر ہے جو اسے عٌجب میں مبتلا کر دے. [١٩]

فیض کاشانی کی نگاہ میں عٌجب ایک بیماری ہے جس کا سبب جہل اور نادانی ہے اور جہاں تک وہ ہر بیماری کا علاج اس کے مدمقابل سے کرتے ہیں، معتقد ہیں کہ عٌجب کا علاج بھی علم و معرفت کے ذریعے ہی ممکن ہے. [٢٠] فیض اور اخلاق کے بعض دیگر علماء معتقد ہیں کہ عٌجب کے علاج کے لئے، اس کے اسباب اور علت کو دیکھنا چاہیے، اگر عٌجب کی وجہ اللہ تعالیٰ کی کوئی نعمت من جملہ خوبصورتی، طاقت اور کثرت اولاد ہے تو انسان اس نکتے کی طرف توجہ رکھے کہ وہی خدا جس نے یہ نعمات دی ہیں وہ ایک پلک جھپکنے میں سب کچھ لے سکتا ہے جیسے کہ ہمیشہ سے ایسے لوگوں کی مثال ہمارے پاس موجود ہے کہ جن کے پاس تمام نعمتیں تھیں لیکن ان کے صحیح استعمال نہ کرنے کی وجہ سے ان سے محروم ہو گئے، ایسی مثالوں سے عبرت حاصل کرنی چاہیے. اور اگر عٌجب کی وجہ قدرت اور توانائی ہے، تو اللہ تعالیٰ کی قدرت اور بزرگی کی طرف توجہ کرنی چاہیے، اور اسی طرح انسان اپنی خلقت کے مراحل کی طرف توجہ کرے کہ وہ کس چیز سے خلق کیا گیا ہے. اور اگر اس کے عٌجب کی وجہ اس کی فکر اور سوچ ہے تو ہمیشہ اپنی سوچ کی مذمت کرے مگر یہ کہ قرآن یا روایات سے کوئی قطعی دلیل اس کی صحت کی گواہی دیں، اسی طرح اس کو صاحب نظر افراد پر پیش کیا جائے. [٢١]

امام باقر(ع) کا جابر بن یزید جعفی کو وصیت کرنا، کہ نفس کی پہچان سے عٌجب کا راستہ بند کیا جا سکتا ہے. [٢٢]