ہاجرہ

ویکی شیعہ سے
یہاں جائیں: رہنمائی، تلاش کریں
ہاجرہ
کوائف
نام: ہاجرہ
مشہور اقارب: حضرت ابراہیمؑ، حضرت اسماعیلؑ
وجہ شہرت: زوجہ حضرت ابراہیمؑ و مادر حضرت اسماعیلؑ
مقام پیدائش مصر
محل زندگی: مکہ
مدفن: حجر اسماعیل
مذہب: دین حنیف
دینی خدمات: صفا و مروہ کے درمیان حضرت اسماعیلؑ کے لئے پانی کی تلاش، آب زمزم

ہاجَرہ حضرت ابراہیمؑ کی زوجہ اور حضرت اسماعیلؑ کی والدہ ہیں۔ ہاجرہ پادشاہ مصر کی کنیز تھیں جنہیں حضرت ابراہیم کی زوجہ سارہ کے لئے بطور ہدیہ دیا گیا تھا اور سارہ نے انہیں حضرت ابراہیمؑ کو بخش دیا تھا پھر کچھ عرصے بعد آپ کے بطن سے حضرت اسماعیلؑ پیدا ہوئے۔

حضرت اسماعیلؑ کی ولادت کے بعد سارہ نے ہاجرہ سے حسادت اور ناراضگی کا اظہار شروع کیا تو حضرت ابراہیم نے خدا کے حکم سے ہاجرہ اور ان کے بیٹے حضرت اسماعیل کو شام سے مکہ منتقل کیا، جو اس وقت ایک خشک بیابان تھا جس کی وجہ سے وہاں کوئی آبادی نہیں تھی۔ اسلامی مآخذ کے برخلاف توریت میں ہاجرہ کی شام سے مکہ ہجرت، حضرت اسماعیل کی بجائے حضرت اسحاقؑ کی ولادت کے بعد قرار دی گئی ہے اور تورات کے مطابق اس سفر میں حضرت ابراہیمؑ بھی ان کے ہمراہ نہیں تھے۔