عبقات الانوار فی امامۃ الائمۃ الاطہار (کتاب)

ویکی شیعہ سے
(عبقات الانوار سے رجوع مکرر)
یہاں جائیں: رہنمائی، تلاش کریں
عبقات الانوار فی امامۃ الائمۃ الاطہار
کتاب عبقات الانوار.jpg
مؤلف سید میر حامد حسین ہندی
زبان فارسی
موضوع علم کلام(امامت)
روش ردیہ و استدلالی
ناشر كتابخانہ عمومى امام على(ع)
محل نشر اصفہان
تاریخ نشر ۱۳۶۶ش


عَبَقاتُ الأنوار فی إمامَة الأئمةِ الأطهار ایک علمی اور تحقیقی کتاب ہے جسے سید میر حامد حسین ہندی نے امامت کے باب میں مولوی عبدالعزیز دہلوی کی شیعہ عقائد کے خلاف لکھئی گئی کتاب تحفۃ اثنا عشریہ کے جواب میں لکھی گئی ہے۔

مؤلف

میرحامد حسین ہندی (۱۲۴۶-۱۳۰۶ق) تیرہویں صدی ہجری کے ہندوستان کے سادات اور شیعہ علماء میں سے تھے۔ میرحامد حسین عالمی جستجوگر اور کافی معلومات رکھنے والے انسان تھے۔ تشیع کی دفاع میں بہت ساری کتابیں لکھی۔

تحفۃ اثنا عشریہ

کتاب تحفۃ اثناعشریہ مؤلف عبدالعزیز دہلوی
اصل مضمون: تحفۃ اثناعشریہ

ہندوستان کے ایک اہل سنت عالم عبدالعزیز دہلوی جو "سراج الہند" کے نام سے مشہور تھا اور ۳۱ پشتوں میں ان کا نسب عمر خطاب سے جا ملتا ہے اور صاحب عبقات انہیں شاہ صاحب کے نام سے یاد کرتے ہیں، نے امامت کے باب میں شیعہ اعتقادات کے خلاف تحفۃ اثنا عشریہ نامی کتاب لکھی۔

اس کتاب کے مصنف نے دنیائے اسلام کی مصلحتوں، تاریخ اسلام کے واقعیتوں اور علم حدیث کے قواعد و ضوابط کو نظر انداز کرتے ہوئے پیغمبر اکرم(ص)، آپکی آل، اسلامی عقائد، اصول دین، فروع دین، اخلاق اور دیگر اعمال و افعال کے بارے میں شیعہ اعتقادات کو علم مناظرہ اور نقل حدیث کے آداب و رسوم کی خلاف ورزی کرتے ہوئے اپنی تہمتوں اور افتراعات کا نشانہ بنایا۔

دہلوی نے اپنی کتاب کے ساتویں حصے میں اپنی گفتگو کو دو حصوں میں تقسیم کرتے ہوئے لکھتے ہیں:

  • پہلا حصہ:وہ آیات جن کو شیعہ حضرت علی(ص) کی امامت پر دلیل کے طور پر پیش کرتے ہیں۔ اس حصے میں اس نے فقط 6 آیات پر اکتفاء کیا ہے۔
  • دوسرا حصہ: وہ احادیث جن کو شیعہ امامت اور ولایت کو اثبات کرنے کیلئے نقل کرتے ہیں۔ اس حصے میں بھی وہ فقط 12 احادیث کو نقل کرنے پر اکتفا کرتے ہیں یوں وہ شیعوں کے مستندات کو 6 آیتوں اور 12 احادیث میں منحصر کرتے ہوئے انہیں مخدوش کرنے کی کوشش کرتے ہیں۔

عبقات الانوار کے معنی

"عبقات" عین پر فتحہ اور باء پر کسرہ کے ساتھ "عبقہ" کا جمع ہے جس کے معنی خوشبودار چیز کے ہیں اور "انوار" کے معنی سفید پھول کے ہیں یوں "عبقات الانوار" کے معنی خشبودار سفید پھول کے ہیں۔

موضوع کتاب

عبقات الانوار عبدالعزیز دہلوی کی کتاب "تحفۃ الاثنا عشریہ" کے ساتویں باب کے جواب میں لکھی گئی جس میں مولوی دہلوی نے امیر المؤمنین حضرت علی(ع) کی امامت پر شیعہ ادلہ کی نفی کی ہے۔ مؤلف اس کتاب میں فلسفہ امامت کو روشن کر کے یہ سمجھانے کی کوشش کرتے ہیں کہ اسلام حقیقی وہ نہیں ہے جو خلفاء کے دربار میں مرسوم تھی۔ مؤلف اس کتاب میں دہلوی کی ایک ایک حرف کا ملل جواب دیتے ہیں۔

روش تألیف

مؤلف نے ابتداء میں احادیث کی سند کو صرف اہل سنت کے ہاں متواتر اور قطعی الصدور ہونے کی حیثیت سے بحث کی ہے۔ اس حوالے سے انہوں نے اہل سنت کے ہاں معتبر ترین مدارک کے ذریعے پیغمبر اکرم(ص) کے زمانے سے لے کر خود دہلوی کے زمانے تک پہلے بلا واسطہ راویوں کی صحابہ کے ذریعے توثیق اور تعدیل کی ہے پھر اس توثیق کرنے والے صحابہ کی تابعین کے ذریعے توثیق کی ہے اس کے بعد غیر مستقیم راویوں کی تا خود دہلوی کے زمانے تک توثیق کو کتب رجال اور تراجم اور جوامع حدیثی کے ذریعے توثیق کی ہے۔ اس کے بعد حدیث کے مضامین کی تجزیہ و تحلیل کرتے ہوئے انہیں شیعہ نظریے کے ساتھ مطابقت رکھنے اور اس پر دلالت کرنے کی کیفیت کو بیان فرمایا ہے۔ اور آخر میں اہل سنت کی طرف سے وارد تمام اعتراضات کو ایک ایک کرکے نقل کرتے ہوئے سب کا مدلل جواب دیا ہے اور چہ بسا ان جوابات کیلئے بھی خود اہل سنت کی کتابوں سے دلائل پیش کئے ہیں۔

مضامین کتاب

  • پہلا باب: حدیث من کنت مولاه فهذا علی مولاه جو حدیث غدیر کے نام سے معروف ہے کے ساتھ مختص ہے اور یہ دو حصوں پر مشتمل ہے:
  1. ایک لاکھ سے زیادہ صحابہ، تابعین، تابع تابعین، حفّاظ اور اہل سنت کے علم حدیث کے ماہرین تا خود دہلوی کے زمانے تک کا نام ان کی مختصر حالات زندگی اور ان کی توثیق کے ساتھ بیان کیا ہے۔
  2. حدیث کی مضمون کی تجزیہ و تحلیل اور اس کا حضرت علی(ع) کی امامت پر دلالت کرنے کی کیفیت کو بیان کرتے ہوئے دہلوی کے اعتراضات کا مدلل جواب دیا ہے۔

پہلا حصہ ۱۲۵۱ صفحات پر مشتمل ایک جلد میں مرتب کیا ہے جبکہ دوسرا حصہ ہزار صفحات کے دو جلدوں پر مشتمل ہے اور خود مؤلف کے زمانے میں ہی چاپ سنگی کے ساتھ منظر عام پر آگئی تھی اور یہ تینوں مجلدات "غلام رضا مولانا بروجردی" کے تحقیق کے ساتھ دس جلدوں میں قم المقدس میں منظر عام پر آگئی ہے۔ اس حصے کا خلاصہ فیض القدیر کے نام سے شیخ عباس قمی نے ۴۶۲ صفحات میں منتشر کیا ہے۔

  • دوسرا باب: حدیث متواتر یا علی أنت منی بمنزلة هارون من موسی إلا أنه لا نبی بعدی جو حدیث منزلت کے نام سے معروف ہے سے مختص ہے۔ اسے بھی حدیث غدیر کی طرح دو حصوں میں بیان کیا ہے۔ یہ جلد خود مؤلف کے زمانے میں 977 صفحات پر مشتمل لکھنو میں سنہ 1295ہ.ق میں منتشر ہوئی اور مؤلف کے 100 سالویں برسی کی مناسب سے اصفہان میں آفسٹ ہوئی ہے۔
  • تیسرا باب: حدیثإن علیا منی و أنا منه، و هو ولی کلّ مؤمن بعدی جو حدیث ولایت کے نام سے معروث ہے سے مختص ہے۔ یہ حصہ ۵۸۵ صفحات پر مشتمل ہے اور سنہ ۱۳۰۳ ه‍.ق میں ہندوستان میں منتشر ہوئی ہے۔
  • جوتھا باب:حدیث "... اللهم ائتنی بأحبّ خلقک إلیک یأکل معی من هذا الطیر جو حدیث طیر کے نام سے معروف ہے، کے ساتھ مختص ہے۔ یہ حصہ ۷۳۶ صفحات پر مشتمل دو جلدوں میں سنہ۱۳۰۶ ه‍.ق کو لکھنو میں منتشر ہوئی ہے۔ (مطبعہ بستان مرتضوی)
  • پانجواں باب: حدیث أنا مدینة العلم و علی بابها جو حدیث مدینۃ العلم کے نام سے معروف ہے کے ساتھ مختص ہے۔ یہ حصہ دو مجلدات پر مشتمل ہے اور پہلی جلد ۷۴۵ صفحات پر مشتمل سنہ ۱۳۱۷ ه‍.ق میں جبکہ دوسری جلد ۶۰۰ صفحات پر مشتمل سنہ ۱۳۲۷ ه‍.ق میں منتشر ہوئی (بہ اہتمام سید مظفر حسین)
  • چھٹا باب: حدیثمن أراد أن ینظر إلی آدم و نوح... فینظر إلی علی جو حدیث تشبیہ سے معروف ہے، سے مختص ہے۔ یہ حصہ دو مجلّدات ایک ۴۵۶ صفحات جبکہ دوسری ۲۴۸ صفحات پر مشتمل سنہ ۱۳۰۱ ه‍.ق میں منتشر ہوئی ہے. (لکھنو میں)
  • ساتواں بابا: حدیث کے ساتھ مختص ہے جس کی پروف ریڈینگ نہیں ہوئی ہے۔
  • آٹھواں بابت: حدیث کنت أنا و علی نورا بین یدی اللّه قبل أن یخلق الله آدم جو حدیث نور سے معروف ہے کے ساتھ مختص ہے.
  • نواں باب: غزوہ خیبر میں پیغمبر اکرم(ع) کی زبانی ارشاد ہونے والی حدیث رایت کے بارے میں ہے۔ (ایک جلد میں)
  • دسواں باب: حدیث علی مع الحق و الحق مع علی(ع) کے ساتھ مختص ہے۔ اس حصے کا ہاتھ سے لکہوا نسخہ کتابخانہ ناصریہ میں موجود ہے۔
  • گیارہواس باب: خدیث إن منکم من یقاتل علی تأویل القرآن کما قاتلت علی تنزیله کے ساتھ مختص ہے۔ اس حصے کا بھی پروف ریڈینگ شدہ نسخہ موجود نہیں ہے۔(3 جلدوں میں)
  • بارہواں باب: متواتر اور معروف حدیث ثقلین اور اس کے ساتھ حدیث سفینہ کے ساتھ مختص ہے یہ حصہ لکھنو میں سنہ ۱۳۱۳ اور ۱۳۵۱ ه‍.ق میں جبکہ اصفہان میں سنہ ۱۳۸۰ ه‍.ق میں ( ۶ جلدوں میں) مدرسہ الامام المہدی ۱۴۰۶ ه‍.ق میں منتشر ہوئی ہے۔ خود مؤلف کے زمانے میں یہ حصہ چاپ سنگی میں ( ۶ جلدوں میں) سید محمد علی روضاتی کی کوششوں سے اصفہان میں (عبقات اور اس کے مؤلف نیز "تحفہ اثنا عشریہ" کے بارے میں ایک مفید خط کے ساتھ) منتشر ہوئی ہے۔

اس طرح اس مجموعے کے مباحث کا تحقیقی اور مفید خلاصہ نفحات الأزہار فی خلاصۃ عبقات الأنوار کے نام سے عربی زبان میں سید علی میلانی کے قلم سے ۲۰ جلدوں میں قم میں منتشر ہوئی ہے۔

درج بالا مجموعے کے پانچ حصے مرحوم سید میرحامد حسین، تین حصے انکے بیٹے سید ناصر حسین اور دو حصے سید محمد سعید فرزند سید ناصر حسین نے اسی روش اور اسلوب کے مطابق پایہ تکمیل تک پہنچائے جسے سید میر حامد حسین نے اپنایا تھا:

مؤلفین عبقات
میر سید حامد حسین سید ناصر حسین سید محمد سعید
حدیث غدیر سندا و دلالتا حدیث طیر سندا و دلالتا حدیث مناصبت سندا و دلالتا (عربی میں)
حدیث منزلت سندا و دلالتا حدیث باب سندا و دلالتا حدیث خیبر، فقط از حیث سند (عربی میں).
حدیث ولایت سندا و دلالتا حدیث ثقلین و سفینہ سندا و دلالتا
حدیث تشبیہ سندا و دلالتا
حدیث نور سندا و دلالتا

البتہ آخر الذکر دو حدیث ابھی تک منظر عام پر نہیں آئی ہیں۔

آخری پانچ احادیث جو میر حامد حسین کے بیٹے اور پوتے کے توسط سے انجام پائے ہیں انہیں بھی میر حامد حسین ہی کے نام پر شایع کیا گیا ہے تاکہ انہیں خراج تحسین پیش کر سکیں اور دوسری طرف سے انہوں نے بھی اسی طریقے اور روش کو اپنایا ہے جسے میر حامد حسین نے اپنایا تھا۔

عبقات کے بارے میں انجام پانے والی تحقیقیں

عبقات کے بارے میں لکھی جانے والی کتابوں میں درج ذیل کتابیں قابل ذکر ہیں:

  1. تذییل عبقات مؤلف عبقات کے دوسرے بیٹے سید ذاکر حسین کے قلم سے.
  2. حدیث "مدینۃ العلم" کی تعریب سید محسن نواب لکھنوی کے قلم سے۔
  3. جدل دوم، پنچم، ششم اور جلد اول کے ایک حصے کا خلاصہ اور ان تمام جلدوں کی تعریب بنام "الثمرات" سید محسن نواب لکھنوی کے قلم سے۔

خصوصیات کتاب

مؤلف کی علمی قابلیت اور صلاحیت

مؤلف کی قدرت علمی، وسعت مطالعہ اور موضوع پر خارق العادہ احاطے کو اس کتاب کے تمام مجلدات سے بخوبی اندازہ لگایا جا سکتا ہے۔ مثلا ایک جگہ پر حدیث ثقلین کی شیعہ مدعا پر دلالت کو 66 طریقوں سے بیان کیا ہے۔ اسی طرح ایک اور جگہ اس حدیث کی شیعہ مطلوب پر دلالت کے بارے میں ابن جوزی کے اشتباہات کو 165 نقض اور تالی فاسد کے ساتھ جواب دیا ہے اور کتاب تحفہ کے مؤلف کا یہ دعوا کہ عترت کے معنی تمام اقارب ہیں اور اس کا لازمہ تمام رشتہ داروں کی اطاعت کا واجب ہونا ہے نہ فقط اہل بیت کی، اس دعوا کو باطل کرنے کیلئے 51 نقض اور اعتراض وارد کیا ہے۔

اسی طرح انہوں نے جس مطلب یا بحث کو بھی چھیڑا ہے اس کے تمام قابل بحث جوانب کو مد نظر رکھتے ہوئے اس موضوع کے بارے کما حقہ تحقیقات کو اس کے انتہائی درجہ تک پہنچایا ہے اور قارئین کیلئے اس کتاب کے مطالعے کے بعد دوبارہ کسی منابع کی طرف رجوع کرنے کے حوالے سے بے نیاز کیا ہے۔

مناظرہ کے آداب اور گفتگو کے اصولوں کی رعایت

صاحب عبقات دوسرے شیعہ علماء کی طرح اہل سنت علماء کے ساتھ مناظرہ اور بحث و مباحثہ کرتے وقت مناظرہ اور گفتگو کے آداب اور قواعد کی رعایت کرتے تھے جبکہ طرف مقابل اگرچہ یہ ادعا کرتے تھے لکین عملا اس پر پابند نہیں رہتے تھے۔

الف: بحث و گفتگو کے آداب میں سے ایک یہ ہے کہ جب انسان کسی موضوع کے بارے میں کسی کا کلام نقل کرے تو امانت کی رعایت کرتے ہوئے بغیر کمی و زیادتی کے پورا کلام نقل کرے پھر محل اشکال اور اعتراض کو مشخص کرکے اس کا نقضی یا حلی جواب دے۔ اس صورت میں سننے یا دیکھنے والا طرفین کے مدعا اور دلائل کو سننے کے بعد صحیح فیصلہ کرتے ہوئے درست اور صحیح نظریے کا انتخاب کر سکے۔

میر حامد حسین کتاب عبقات میں خطبہ کے بعد دہلوی (صاحب تحفہ) کی عین عبارت کو بغیر کسی کمی و زیادتی کے نقل کرتے ہیں یہاں تک کہ کتاب کے حاشیے میں اس نے خود یا کسی اور نے کوئی اضافہ کیا ہو تو اسے بھی من و عن نقل کرتے ہیں پھر ان کا جواب دیتے ہیں۔ جبکہ دہلوی اس اصول کی رعایت نہیں کرتا مثلا حدیث ثقلین کو نقل کرنے کے بعد کہتا ہے: "یہ حدیث بھی پچھلے احادیث کے مطابق شیعہ مدعا کے ساتھ کوئی ربط نہیں رکھتی" یہ کہ کر اس حدیث کے بارے میں شیعہ استدلال کی طرف کوئی اشارہ نہیں کرتا اسی طرح حدیث نور کو نقل کرنے کے بعد کہتا ہے : "یہ حدیث بھی مدعا پر دلالت نہیں کرتی" لیکن اس حوالے سے شیعوں کے دلائل کی طرف اشارہ نہیں کرتا۔

ب: گفتگو اور مناظرہ کے دیگر آداب میں سے ایک یہ ہے کہ مناظرے میں ایک ایسی چیز سے احتجاج کرے جسے طرف مقابل قبول کرت ہو اور انکے ہاں یہ چیز حجت ہو نہ یہ کہ خود ہمارے ہاں حجت ہو۔

صاحب عبقات جس مسئلے میں بھی وارد ہوتے ہیں خود اہل سنت کی کتابوں سے احتجاج کرتے ہیں اور خود انہی کے حفاظ اور علماء و مشاہیر کے اقوال کے ذریعے ان پر استدلال کرتے ہیں۔ لیکن دہلوی اس قاعدے اور اصول پر بھی عملی طور پر ملتزم نہیں رہتا اسی لئے دیکھتے ہیں کہ حدیث ثقلین کے مقابلے میں حدیث "" سے تمسک کرتے ہیس حالنکہ اس حدیث کو فقط اہل سنت نقل کرتے ہیں شیعہ اسے اصلا نقل ہی نہیں کرتے۔

ج: مناظرہ کے دیگر اصول میں سے ایک یہ ہے کہ انسان احتجاج اور رد کرتے وقت حقیقت کا اعتراف کرے۔ صاحب عبقات اگر کسی حدیث سے استدلال کرنا چاہتے ہیں تو اسے اہل سنت طرق سے استناد کرتے ہیں اور طرف مقابل نے جن جن واسطوں سے اسے استناد کیا ہے ان سب کو ذکر کرتے ہیں اور اس حوالے سے صرف ایک یا دو نفر کے نقل کرنے پر اکتفاء نہیں کرتے ہیں بلکہ تمام اسناد کو نقل کرتے ہیں اس حوالے سے بطور نمونہ حدیث "" کے حوالے سے صاحب عبقات کا رویہ دیکھ سکتے ہیں جسے اہل سنت نے حدیث "طیر" کے مقابلے میں نقل کرتے ہیں۔ لیکن ان کے مقابلے میں دہلوی جب "حدیث ثقلین" کو نقل کرتا ہے تو فقط زید بن ارقم کے توسط سے نقل کرتے ہیں حالنکہ اس حدیث کو ۲۰ سے زیادہ افراد نے صحابہ سے نقل کیا ہے۔ اس کے علاوہ کہ حدیث کو ناقص نقل کیا ہے جملہ "" کو جسے مسند احمد اور صحیح ترمذی نے نقل کیا ہے اس سے حذف کیا ہے۔

ردّ کرنے کا طریقہ

الف: طرف مقابل کا پورا کلام نقل کرنا: جیسا کہ پہلے اشارہ ہوا کہ آپ دہلوی کا پورا کلام بغیر کسی کمی و بیشی کے نقل کرتے تھے حتی اسے نقل بہ معنی ہم نہیں کرتے بلکہ عین اس کی عبارات کو نقل کرتے تھے۔

ب: موضوع کے تمام جوانب کا مطالعہ کرنا: آپ جس موضوع پر بھی بحث کرتے اس کے تمام جوانب کا دقیق بررسی اور تحقیق کرتے تھے۔ لہذا جب اپنے مد مقابل کی بات کو رد کرنا چاہتے ہیں تو صرف ایک دو دلیل پر اکتفاء نہیں کرتے بلکہ اس قدر دلائل اور شواہد پیش کرتے کہ مد مقابل کی بات سرے سے ہی کعدم ہوکر رہ جاتی۔ بطور نمونہ جب حدیث ثقلین کے بارے میں جب ابن جوزی کی بات کو رد کرنا چاہتا ہے تو 156 طریقوں سے اسے رد کرتے ہیں۔

ج: مکمل تحقیق: میر حامد حسین مرحوم جب بھی کسی موضوع پر بحث کرنا شروع کرتے تو اس موضوع کے متعلق تمام اقوال کو نقل کرتے پھر ان سب کا ایک ایک کر کے جواب دیتے یہاں تک کہ اس موضوع کے بارے میں امکانی اقوال کو بھی نقل کرکے ان کا بھی جواب دیتے تھے۔ اسی لئے دہلوی کی بات کو رد کرتے وقت نصراللہ کابلی، ابن حجر اور طبری وغیرہ کے اقوال کو بھی نقل کرکے ان کا بھی جواب دیتے تھے۔ مثلا جب دہلوی حدیث سفینہ کو پیش کرتے ہیں اور اس حدیث کی امام علی(ع) کی امامت پر دلالت کا انکار کرتے ہیں لیکن اس کے سند وغیرہ سے بحث نہیں کرتے۔ لیکن صاحب عبقات شروع میں اس حدیث کو نقل کرنے والے ۹۲ افرد کا ذکر کرتے ہیں (کیونکہ آپکی نظر میں سند سے بحث دلالت سے بحث پر مقدم ہے) اور اس کے اسناد کو ذکر کرنے کی وجہ بھی یہ تھی کہ ابن تیمیہ اس حدیث کو بے سند قرار دیتے ہوئے اس کے سند کا انکار کرتا ہے، اس کے بعد آپ اس حدیث کو ذکر کرنے والے معتبر کتابوں کا تذکرہ کرتے ہیں۔

د: بحث کی ریشہ یابی: ایک اصول جسے صاحب عبقات اپنے مد مقابل کی بات کو رد کرنے میں ہمیشہ مد نظر رکھتے ہیں وہ اس بارے میں مطرح اقوال کی ریشہ یابی ہے۔ اس کام سے آپ کو درج ذیل اہداف کو حاصل کرنا چاہتے تھے:

  1. سب سے پہلے آپ یہ ثابت کرنا چاہتے تھے کہ دہلوی نے کوئی نئی بات نہیں کی ہے بلکہ اس کی ساری باتیں اس سے پہلے والے علماء نے اپنی کتابوں میں ذکر کئے تھے یوں آپ ثابت کرتے ہیں کہ دہلوی نے "نصراللہ کابلی" کی کتاب صواقع جوکہ فارسی میں تھی کو اردو میں ترجمہ کیا ہے اس کے علاوہ اپنے والد" حسام الدین سہارنبوری" -صاحب المرافض- کی کچھ باتوں کو اضافہ کیا ہے ارو اسے "تحفہ اثنا عشریہ" کے نام سے پیش کیا ہے اسی طرح اس کی کتاب "بستان المحدثین" "تاج الدین دھّان" کی کتاب "کفایۃ المتطلع" کا ترجمہ ہے۔
  2. اقوال کی ریشہ یابی سے آپ اس نتیجے پر پہنچتے ہیں کہ ان میں سے بعض نسبتوں کی کوئی حقیقت نہیں ہے۔مثلا جب کتاب یواقیت میں حدیث طیر کے بارے میں شعرانی کے زبانی یہ مطرح ہوتا ہے کہ اسے ابن جوزی نے جعلی احادیث کے زمرے میں لایا ہے، اس بارے میں آپ فرماتے ہیں: "... اولا یہ ادعا کرنا کہ ابن جوزی نے اسے کتاب "موضوعات" میں ذکر کیا ہے خود سب سے بڑی جھوٹ ہے اور سب سے بڑا افتراع ہے۔ اور اس بات سے قطع نظر کہ ابن جوزی کی کتاب "الموضوعات" جس کا ایک نسخہ بندے کے پاس موجود ہے، میں جب تفحص اور جستجو کرتے ہیں تو اس میں اس حدیث کا کوئی نام و نشان تک نظر نہیں آتا، پہلے ہم جان چکے ہیں کہ "حافظ علا" نے اس بات کی تصریح کی ہے کہ "ابوالفرج یعنی ابن جوزی" نے اس حدیث کو "الموضوعات" میں ذکر ہی نہیں کیا ہے اسی طرح " ابن حجر" نے بھی صراحتا کہا ہے کہ "ابن جوزی" نے اس حدیث کو "الموضوعات" میں ذکر نہیں کیا ہے۔ پس اگر شعرانی اصل کتاب الموضوعات کو نہ دیکھا ہو اور "حافظ علا" کی بات سے بھی وہ آگاہ نہ ہوا ہو تو اے کاش ابن حجر جس کے بارے میں خود شعرانی نے "لواقح الانوار" خوب مدح سرائی کیا ہے، کی بات سے آگاہ ہو چکے ہوتے اور شرمندگی اور ذلت سے بچنے کی خاطر ہی کیوں نہ صحی اس قسم کے جھوٹ اور افتراع پردازی سے پرہیز کرتے۔"
  3. صاحب عبقات نے اپنے اس روش کے ذریعے، بعض اقوال اور ان کی نسبتوں میں انجام دینے والی تحریفات اور تصرفات کو کشف کیا ہے۔مثلا حدیث نور جس کے بارے میں دہلوی کہتا ہے: "اس حدیث کے بارے میں اہل سنت کا اجماع ہے کہ یہ حدیث جعلی ہے اور اس کے اسناد......." ہم اس حوالے سے "ابن روزبہان" کے کلام کی طرف مراجعہ کرتے ہیں جو عموما "نصراللہ کابلی" سے مستند ہوتے ہیں اور خود دہلوی بھی ان سے مطالب اخذ کرتے ہیں، وہ اس بارے میں کہتے ہیں: "ابن جوزی نے اس حدیث کو "کتاب موضوعات" میں معنا ذکر کیا ہے۔ اور یہ حدیث جعلی ہے اور اس کے اسناد..." اس کے بعد کابلی کہتے ہیں: "یہ حدیث باطل ہے کیونکہ اہل خبر کا اجماع ہے کہ یہ جعلی ہے ارو اس کے اسناد..."

جیسا کہ ملاحظہ فرمایا اہل خبر کے اجماع کو یہاں پر کابلی نے اضافہ کیا ہے لیکن اب جوزی نے جس چیز کو کتاب "موضوعات" میں کہا ہے وہ کسی اور حدیث کے بارے میں ہے نہ اس حدیث کے بارے میں۔ "... قال رسول اللّہ(ص) :

دہلوی کی وعدہ خلافیوں کا تذکرہ

آپ متعدد مقامات پر دہلوی کی طرف سے گتفتگو اور مناظرہ کے اصولوں کی رعایت نہ کرنے کا تذکرہ کرتے ہیں جن کے بارے میں خود دہلوی نے رعایت کرنے کا وعدہ دیا تھا۔ مثلا خود دہلوی ان قوانین کو اپنے اوپر ملزم قرار دیتے ہیں:

  1. اہل سنت کے ہاں یہ قاعدہ مسلم ہے کہ جس حدیثی کتاب کا مصنف اپنے آپ کو صرف صحیح حادیث کے نقل کرنے پر ملزم نہ کرے، اس کتاب کے احادیث قابل اعتبار اور احتجاج نہیں ہے۔
  2. جس حدیث کی بھی کوئی سند نہ ہو اسے اصلا قبول نہیں کیا جائے گا۔
  3. شیعوں پر اعتراض اور احتجاج کرنے کیلئے خود ان کی کتابوں سے احادیث کے ذریعے احتجاج کریں گے کیونکہ ہر فرقے کے ہاں انہی کے احاادث معتبر اور حجت ہے۔
  4. اہل سنت کے احادیث کے ذریعے شیعوں پر احتجاج جائز نہیں ہے۔

لیکن عملا دیکھا جائے تو متعدد مقامات پر دہلوی نے مذکورہ باتوں کے خلاف عمل کیا ہے اور صاحب عبقات نے ان موارد کی طرف نشاندہی کی ہے۔

مخالفین کو خود انہیں کے کلام کے ذریعے رد کرنا

صاحب عبقات دہلوی کے مطالب کو رد کرنے کیلئے کبھی کبھار خود انہی کے کلمات یا انکے والد یا دوسرے اہل سنت علماء کے کلمات سے بھی استفادہ کرتے تھے۔ ز: بررسی احادیث از همه جوانب صاحب عبقات زمانی که وارد بحث از احادیث میشود آن را از نظر سند، شأن صدور و متن حدیث مورد بررسی قرار میدهد و در هر قسمت با کارشناسی دقیق مباحث لازم را مطرح می‌کند.

تناقض اور تعارض

آپ اکثر مقامات پر مخالفین کے استدلال کو ان سے مشابہ مطالب -جن پر خود مخالفین اعتماد کرتے ہیں- کے ذریعے باطل کرتے تھے۔ مثلا جب دہلوی حدیث غدیر کے جواب میں کہتا ہے کہ: "اگر پیغمبر(ص) کا مقصد مسئلہ امامت و خلافت کو بیان کرنا تھا تو اسے کیوں صراحتا بیان نہیں فرمایا تاکہ کوئی اختلاف پیدا نہ ہوتا؟" صاحب عبقات اس کو حدیث "" جو اہل سنت محدثین کو بھی قابل قبول ہے کے ذریعے باطل کرتے ہیں۔

اس طرح ان کے استدلالات کا ان کی اپنی کتابوں میں موجود متضاد مطالب کے ذریعے بھی جواب دیتے ہیں۔

لذا حدیث "" پر دہلوی کے استدلال کو اہل سنت ہی کی کتابوں سے صحابہ کی مذمت میں موجود موجود احادیث سے جواب دیتے ہیں۔

عبقات الانوار کے مختلف ابعاد

بُعد علمی

میر حامد حسین کو جیسے ہی پتہ چلا کہ ایک ایسی کتاب لکھی گئی ہے جس کے بارے میں دین، علم، سماج اور اپنی حیثیت کے مطابق اس کے اشتباہات کی توضیح اور اس کی جہالتوں کا جبران اور اس کے تفرقہ اندازیوں اور دروغ پردازیوں کو بر ملا کرنا ضروری ہے۔ تو سب سے پہلے آپ اپنے مطالعات اور معلومات میں اضافہ کرنے کی خاطر اس موضوع کے بارے میں موجود منابع اور مآخذ کی جستجو میں نکل پڑے اور اس راہ میں آپ نے اپنی زندگی کا ایک حصہ صرف کیا۔ حالنکہ "تحفہ انثا عشریہ" جیسی کتابوں کو آپ کی ذاتی معلومات کے ایک چوتھائی حصے کے ذریعے سے بھی جواب دیا جا سکتا تھا لیکن سیر میر حامد حسین نے اپنے اس اقدام کے ذریعے مکتب تشیع کی علمی تربیت اور ایک شیعہ عالم دین کی علمی قابلیت اور شیعوں کے ہاں انسانی شعور کے قابل احترام ہونے کو دنیا کے سامنے رکھ دیا۔

بُعد اجتماعی

مذہب حقہ اہل بیت(ع) کے خلاف لکھی جانے والی کتابیں در حقیقت اسلام کے بلند و بالا مفاہیم کی تحقیر، امام معصوم کی حکومت کی مخالفت، طاغوتوں کی حکومتوں کی حمایت، مسلمانوں کو ظلم و ستم سے برسر پیرکار مکتب سے دور رکھنا اور اسلام و مسلمین سے خیانت سے بھری پڑی ہوتی ہیں۔ اور یہ کتابیں ایک شہر اور مملکت سے شروع ہو کر عالمی سطح کے مسائل کو شامل کرتی ہیں۔ لہذا ایسی کتابوں کے جواب میں لکھی جانے والی کتابیں مکتب تشیع کے بارے میں پیدا ہونے والے غلط نظریات کو ختم کرکے آہستہ آہستہ حق و حقیقت کی شناخت اور مسلمانوں کے درمیان اختلافات ختم ہو کر ایک دوسرے کی نزدیک ہونے کا موجب بنتی ہیں۔

بُعد دینی

کسی بھی دین یا عقیدے کی اہمیت اس کے عقلی اور علمی تعالیم پر منحصر ہوتا ہے۔ دوسرے لفظوں میں کسی بھی دین یا عقیدے کا اہم ترین حصہ اس کے اجتہادی مسائل ہوا کرتی ہیں نہ اس کے تقلیدی مسائل۔ کیونکہ یہ اجتہادی مسائل ہی ہیں جو کسی شخص کی دینی یا اعتقادی شخصیت میں نکھار پیدا کرتی ہیں۔ بنابراین جو اشخاص اپنی سعی و تلاش اور علمی جد و جہد اور بے پناہ تحقیقات کے ذریعے کسی عقیدے کی وضاحت کرتے ہیں اور دینی مستندات اور دلائل کو مستحکم کرتے ہیں اور دین اور مذہب کی قوت استلال اور برہان میں اضافہ کرتے اور قابل وضاحت مسائل کو بیان اور روشن کرتے ہیں، حقیقت میں یہ افراد دین اور مذہب کے حقیقی اور استوار چہرے کو لوگوں کے سامنے پیش کرتے ہیں اور حقیقی آئین کی طرف لوگوں کی منطقی جاذبے میں رونق پیدا کرتے ہیں۔

بُعد اخلاص

اخلاص کا پہلو دینی علماء کی زندگی کا نمایاں پہلو ہوا کرتا ہے۔ اگر ان علماء کی زندگی میں زہد اور اخلاص کو دوسرے ادیان و مذاہب اور اقوام و ملل کے علماء، اساتید، مؤلفین، اور اہل حل وعقد کے ساتھ مقایسہ کیاجائے تو ان کی اہمیت اور واضح ہو جاتی ہے۔

بُعد اقتدا

ایسے علماء کی حالات زندگی، انکے کاموں میں پایا جانے والا خلوص اور قوم و ملت کیلئے ان کے انتھک محنت اور جد و جہد کے بارے میں اطلاع پیدا کرنا یقینا انسان کی تربیت کیلئے ایک مؤثر عامل بنے گا۔

چہ بسا بعض علماء کی بارے میں ملتے ہیں کہ انکے قلمی آثار کی تعداد 200 سے بھی تجاوز کر گئے ہیں اور انہوں نے اپنی پوری زندگی کا ایک ایک لمحہ دنیا کے تمام لذات اور خوہشات نفسانی سے ہاتھ اٹھا کر اپنے وظیفے کی ادائیگی میں صرف کرتے تھے ۔

صاحب عبقات نے اپنا دن رات لکھنے اور تحقیق کرنے میں وقف کر دیا تھا اور صرف ضروری کاموں کے علاوہ اپنی جگہ سے بلند نہیں ہوتے تھے اور ضرورت سے زیادہ نہیں سوتے اور نہیں کھاتے تھے یہاں تک کہ عبادات میں بھی فقط فرائض پر اکتفاء کرتے تھے۔

یہاں تک کہ دائیں ہاتھ نے ساتھ دینا چھوڑ دیا تو بائیں ہاتھ سے لکھنا شروع کیا۔ بیٹھ کر تھک جاتے تھے تو منہ کے بل لیٹ کر لکھتے جب اس سے بھی تھک جاتے تو پیٹھ کے بل لیٹ کر کتاب سینے پر رکھ کر مطالعہ کرتے یہاں تک کہ آیت اللہ مرعشی نجفی انکے بیٹے سید ناصر حسین کی زبانی فرماتے ہیں کہ: "جب ان کا جنازہ غسل کیلئے لے جایا جاتا ہے تو ان کے سینے پر ایک گھرا نشان نظر آتا ہے جو سینے پر کتابیں رکھ کر مطالعہ کرنے کی وجہ سے کتابوں کے نشان پڑ گئے تھے۔"

آپ کے زیر استعمال کچھ مصادر جیسے "زاد المسیر سیوطی" وغیرہ آپ والد محترم کی میراث تھی جو بعد میں کتابخانہ ناصریہ کا جز بنا۔ لیکن بعض منابع کو آپ نے حج اور عتبات کی سفر کے دوران خریداری کی تھیں۔ ان مسافرتوں میں آپ "حرمین شریفین" اور عراق کے مختلف معتبر لائبریریوں کافی استفادہ کیا اور بعض اصل نسخوں تک رسائی حاصل کی۔ اسی طرح بعض کتابیں آپ کی درخواست پر بعض علماء نے ان کیلئے بھیجی تھیں ان کے علاوہ بعض کتابوں اور منابع کیلئے آپ مجبورا شخصی لائبریریوں حتی مخالفین کے لائبریریوں تک جانے کی زحمت فرماتے تھے۔

شیخ آقا بزرگ میر حامد حسین کی تالیفات کو شمار کرنے کے بعد لکھتے ہیں: "انتہائی تعجب کی بات ہے کہ "میر حامد حسین" نے اتنی ساری نفیس کتابیں اور بڑی بڑی "دائرۃ المعارف" کو صرف اسلامی دنیا میں موجود کاغذ اور سیاہی کے بغیر نہیں لکھتے تھے یہ انکی نہایت تقوی اور پرہیزگاری کی دلیل ہے۔ اور غیر مسلم صنایع کا استعمال نہ کرنا ان کے بارے میں نہایت مشہور تھی۔"

عبقات پر لکھی گئی تقریظات

میرزای شیرازی، شیخ زین العابدین مازندرانی، محدث نوری، سید محمد حسین شہرستانی، شریف العلماء خراسانی، حاج سید اسماعیل صدر، شیخ الشریعہ اصفہانی اور اس زمانے کے اکثر بزرگان نے اس کتاب پر تقریظات لکھے ہیں اور شیخ عباس بن احمد انصاری ہندی شیروانی نے ایک مخصوص رسالہ "سواطع الأنوار فی تقریظات عبقات الأنوار" تألیف کیا ہے اور اس میں مختلف علماء کے 28 تقریظات کو جمع کیا ہے اور ان میں سے بعض تقریظات میں اس بات پر تصریح کی گئی ہے کہ اس کتاب کی وجہ سے ایک سال کے اندر کئی افراد مسلمان یا شیعہ ہو گئے ہیں۔

این کتاب خود مؤلف کی حیات میں ہی سنہ ۱۳۰۳ ہ.ق کو لکھنو میں منتشر ہوئی ہے۔

اسی طرح اس کتاب کا خلاصہ سنہ ۱۳۲۲ ہ.ق کو دو حصوں میں منتشر ہوا۔ پہلا حصہ اس پر لکھی گئی تقریظات اور صاحب عبقات کو لکھی گئی خطوط پر مشتمل ہے اور دوسرا حصہ ان کی وفات کے بعد ان کے بیٹے سید ناصر حسین کے نام لکھی گئی خطوط پر مشتمل ہے۔

میرزای شیرازی اپنے خط میں "صاحب عبقات" کو مخاطب کرکے لکھتے ہیں: «... گواہ ہے کہ میں ہمیشہ آپ کی وجود مبارک کی نعمت کا شکر ادا کرتا ہوں اور آپ کی تصنیفات میری انس کا وسیلہ ہے اور دین اسلام میں آپ کی خدمات کو ہمیشہ خراج تحسین پیش کرتا ہوں۔ انصاف سے کہتا ہوں: اب تک علم کلام میں اس طرح کی نافع اور سودمند اور کامل کناب کسی نے نہیں لکھی ہے۔ خصوصا "کتاب عبقات الانوار" جو اس زمانے کے حسنات اور غنائم میں سے ہے۔ ہر مسلمان پر فرض ہے کہ اپنے اعتقادات کی تکمیل اور اصلاح کیلئے اس کتاب کی طرف رجوع کریں اور اس سے استفادہ کریں۔ میرے خیال میں جو بھی جس طریقے پر بھی اس کتاب کی نشر و اشاعت سعی و تلاش کرے تاکہ کلمہ حق سربلند اور کلمہ باطل سرنگون ہو، تو فرقہ حقہ اور ناجیہ کی اس سے زیادہ کوئی اور خدمت نہیں ہو سکتی ہے۔"

ایک اور خط جسے عربی زبان میں لکھا ہے یوں تحریر کیا ہے: "میں نے آپ کی کتابوں میں نہایت عالی اور قیمتی مطالب کو پایا۔ ان مطالب کو پیدا کرنے کی خاطر آپ نے جو تحقیقات انجام دئے ہیں انکی خشبو ہر مشک و عنبر کی خوشبو سے برتر ہے۔ کتاب کی سلیس عبارت مصنیف کی پختگی کی علامت ہے۔ اور جہل زدائی کی خاطر اس میں موجود اشارات اور نکات مایہ دقت اور آموزندہ ہے۔ کیوں ایسا نہ ہو؟ حالنکہ اس کتاب نے ایک تابناک فکر سے سرچشمہ لیا ہے اور ایک اخلاق اور تقوا کے پیکر کے ہاتھوں اس کی تألیف ہوئی ہے۔ کتاب ایسی ہی ہونی چاہئے کیوں ایسے مؤلف سے کسی اور چیز کی توقع نہیں رکھی جا سکتی ہے۔ "

اسی طرح شیخ زین العابدین مازندرانی، ہندوستان کے بزرگان کے نام ایک خط میں میر حامد حسین اور ان کی تألیفات کی قدردانی کرتے اور ان بزرگوں کو آپ کے دیگر آثار کی نشر و اشاعت کی ترغیب دلاتے ہیں اور ایک مفصل خط کے ضمن میں میر حامد حسین سے یوں مخاطب ہوتے ہیں: "... اس قدر شائستگی، متانت اور اتقان کا حامل کوئی کتاب اب تک کسی تحریری عمارت سے باہر نہیں آئی ہے اور مذہب حقہ کی حقانیت کو ثابت کرنے والی تصنیف اب تک میں نے کسی بیان اور تقریر میں نہیں پایا ہے۔ اس کے عبقات سے تحقیق کی بو آتی ہے اور اس کی استقصاء سے تمام دلائل کی استقصاء جھلکتی ہے خدا اس کے مؤلف اور مصنف پر در باران ہو۔..."

شیخ عباس قمی فوائد الرضویہ میں لکھتے ہیں: "آپ کا وجود مبارک آیات الہیہ اور شیعوں کی حقانیت پر دلیل اور برہان ہے۔ جو بھی آپ کی کتاب "عبقات الانوار" کا مطالعہ کرے وہ یہ جان لیتا ہے ہے کہ علم کلام خصوصا امامت کی بحث میں صدر اسلام سے لے کر اب تک کسی نے بھی اس طرح گفتگو اور اس طرز پر کوئی تحریر نہیں لکھی ہے۔ الحق و الانصاب روز روشن کی طرح عیاں ہے کہ آپ کی احاطہ علمی اور وسعت نظر صرف اور صرف حضرت حجت ارواح العالمین لہ الفداء کی تأئید کے بغیر ممکن نہیں ہے "

مآخذ

  • طباطبایی، سید عبدالعزیز، موقف الشيعۃ من ہجمات الخصوم.
  • مجلۃ تراثنا (ج۶)، مؤسسۃ آل البیت، قم، ۱۴۰۷ق.
  • تہرانی، آقابزرگ، الذریعہ، بیروت، دارالاضواء.
  • کتاب‌شناخت نرم افزار سیرہ نبوی، مرکز تحقیقات کامپیوتری علوم اسلامی نور.
  • لکنھوی، میرحامد حسین، عبقات الأنوار، اصفہان، کتابخانہ عمومی امام امیرالمومنین، ۱۳۶۶ش.