عبد الله بن عباس

ویکی شیعہ سے
(عبدالله بن عباس سے رجوع مکرر)
یہاں جائیں: رہنمائی، تلاش کریں
عبد الله بن عباس
معلومات شخصیت
مکمل نام عبد اللہ بن عباس بن عبد المطلب
مہاجر/انصار مہاجر
دینی مشخصات
جنگوں میں شرکت صفینجملنہروان
ہجرت مدینہ
وجہ شہرت اصحاب امام علی (ع)


عبداللہ بن عباس بن عبد المطلب (سنہ 3 قبل ہجرت۔ سنہ 68 ھ)، ابن عباس کے نام سے مشہور ہیں، آپ عباس بن عبدالمطلب کے بیٹے، پیغمبر اکرم (ص) اور امام علی (ع) کے چچا زاد بھائی، آنحضرت (ص) کے صحابی اور شیعوں کے پہلے تین اماموں کے اصحاب میں سے ہیں۔

ابن عباس حضرت علی علیہ السلام کو منصب خلافت کا اہل سمجھتے تھے اور تینوں خلفاء کے ساتھ بھی تعاون کرتے تھے؛ انہوں نے جمل، صفین اور نہروان کی جنگوں میں امام علی (ع) کی طرف سے شرکت کی تھی اور انہیں امام کی طرف سے بصرہ کا گورنر مقرر کیا گیا تھا۔

ابن عباس سے شیعہ و سنی سلسلہ سند میں بہت سی روایتیں نقل ہوئی ہیں۔ ان کی طرف منسوب تفسیر کی کتاب کئی بار طبع ہو چکی ہے۔ ان کا شمار خلفائے بنی عباس کے جد کے طور بھی کیا جاتا ہے۔