حجاج بن زید

ویکی شیعہ سے
یہاں جائیں: رہنمائی، تلاش کریں
گنج شہدا

حجاج بن زید کا مکمل نام حجاج بن زید تمیمی سعدی ہے اور یہ کربلا میں حضرت امام حسین ؑ کے با وفا اصحاب میں سے ہیں جنہوں نے میدان کربلا میں جام شہادت نوش کیا ۔ ان کے باپ زید اپنے زمانے کے منجھے ہوئے خطیب تھے جنہوں نے جنگ صفین میں حضرت علی ؑ کی ہمرکابی میں جنگ کی[1]۔حضرت علی کی شہادت کے بعد معاویہ نے انہیں سپاہیوں کی سر پرستی کا عہدہ دیا لیکن اسے قبول نہیں کیا[2] ۔

حجاج بصرے کے رہنے والے تھے ۔ حضرت امام حسین ؑ نے جب اہل بصرہ کو خط کے ذریعے اپنی طرف دعوت دی تو اس خط میں پانچ افراد افراد کا نام لے کر خطاب کیا ان میں سے مسعود بن عمر ازدی بھی تھے ۔ انہوں نے جواب میں اپنی اور اپنے قبیلے کی حمایت کی یقین دہانی کرواتے ہوئے امام کو خط لکھا جسے حجاج بن زید حضرت امام حسین کی طرف لے کر گئے ۔حجاج پھر امام کے ساتھ ہی رہے ۔ یہانتک کہ روز عاشورا لشکر عمر بن سعد کے پہلے حملے میں شہادت کے درجے پر فائز ہوئے[3] ۔

زیارت ناحیہ میں آپ کا نام اس طرح ذکر ہوا ہے :اَلسَّلَامُ عَلَی الْحَجَّاجِ بْنِ زَیدٍ السَّعْدِی۔

حوالہ جات

  1. الإصابہ،ج‌۲، ص:۵۳۱
  2. تاریخ الطبری،ج‌۵، ص:۱۷۰
  3. ابصار العین،سماوی، ص۲۱۳-۲۱۴


ماخذ

  • إبصار العین فی أنصار الحسین، سماوی، دانشگاه شہید محلاتی، قم، اول، ۱۴۱۹ ق.
  • الإصابۃ فی تمییز الصحابۃ، احمد بن علی بن حجر العسقلانی (م ۸۵۲)، تحقیق عادل احمد عبد الموجود و علی محمد معوض، بیروت، دارالكتب العلمیۃ، ط الأولی، ۱۴۱۵.
  • تاریخ الأمم و الملوك، أبو جعفر محمد بن جریر الطبری (م ۳۱۰)، تحقیق محمد أبو الفضل ابراهیم، بیروت،‌دار التراث، ط الثانیہ، ۱۳۸۷.