اللہ

ویکی شیعہ سے
(الله سے رجوع مکرر)
یہاں جائیں: رہنمائی، تلاش کریں
حرم امام حسین(ع) کے منقوشی آثار

اللّہ ایک ایسا مخصوص اسم ہے جو تمام اوصاف کمالیہ رکھنے والی ذات کیلئے بولا جاتا ہے ۔ یہ خدا کا مشہور ترین نام ہے ۔ ایک قول کی بنا پر یہ عربی زبان کا لفظ ہے اور دینی تعلیمات میں اس لفط کیلئے پاکیزگی کے بغیر اسے چھونا ممنوع جیسے مخصوص احکام بیان ہوئے ہیں ۔ اس لفظ کی اہم ترین خصوصیات میں سے اس کا کلمۂ توحید میں ذکر ہونا اور کسی دوسرے کیلئے اس کا استعمال جائز نہ ہونے کو ذکر کیا جا سکتا ہے ۔

معنا

واجب‌ الوجود اور تمام صفات کمالیہ کی جامع صفات ذات کیلئے اللّه اسم عَلَم (نام) ہے ۔[1] دوسری زبانوں میں اس کے معادل الفاظ :

  • اردو: «خدا»
  • عبرانی: «الوہیم» (تعظیم کیلئے جمع) یا «یہوہ» (Y.H.W.H)
  • سریانی: «الوہو»
  • کلدانی: «الاہا»
  • یونانی: «ثاؤس»
  • لاطین: «داؤس»
  • فرانسوی اور ایٹالین: «دیو» (Dieu)
  • انگلش: «گاد»(GOd).[2]

تحقیق لفظ

حقیقت میں یہ لفظ عربی زبان کا ہے ۔[3] بعض اسے عبرانی کلمات کے مشابہ اور «ایل» سے یا سریانی اور کلدانی کے مشابہ کلمات اور «الاہا» سے ماخوذ سمجھتے ہیں ۔[4] البتہ صرف مشابہت عربی کے نہ ہونے اور کسی دوسرے سے ماخوذ ہونے کی دلیل نہیں ہے ۔[5]

اس لفظ کے اشتقاق کے متعلق صاحبان نظر میں اختلاف نظر پایا جاتا ہے۔ بعض اسکے متعلق قائل ہیں کہ یہ لفظ کسی سے مشتق نہیں ہے لیکن مشہور قول اسکے مشتق ہونے کا ہے ۔اس لفظ کے اشتقاق کے قائلین میں پھر اختلاف ہے کہ یہ کس لفظ سے مشتق ہے ۔ بعض علما نے اس