ارتماس

ارتماس ایک فقہی اصطلاح ہے جس کا معنی سر یا بدن کے دیگر اعضا کو پانی میں ڈبونا ہے ۔. فقہی کتابوں میں اس کے بارہ میں طہارت، حج اور روزہ کے ابواب میں بحث ہوتی ہے۔. ارتماس لغت میں اغتماس (کسی چیز میں ڈوبنا) کے معنی میں ہے۔. شیعہ فقہا کے نزدیک حالت احرام میں مُحرم کا اور حالت روزہ میں روزہ دار کا پانی میں سر ڈبونا حرام ہے۔. چنانچہ بعض فقہا ارتماس کو مبطلات روزہ میں شمار کرتے ہیں۔

• اگر کسی نے اپنا سر جان بوجھ کے پانی میں نہیں ڈبویا تو اس کا روزہ اور حج باطل نہیں ہے۔
• بعض فقہا کے قول کے مطابق آب مضاف میں بھی سر کو ڈبونا احتیاط کے طور پر ارتماس ہی کہلائے گا۔
• بعض فقہا کی نظر کے مطابق اگر کسی انسان کا صرف کاسہ سر پانی میں ڈوبا ہو تو اس کا روزہ صحیح ہے۔
• اس میں کوئی فرق نہیں چاہے انسان یک دم سے سر کو پانی میں ڈبو دے یا دھیرے دھیرے ڈبوئے۔

لفظ «ارتماس» ارتماسی غسل ، اور ارتماسی وضو کی بحث میں بھی استعمال ہوتا ہے، نیز بعض حدیث اور روایات میں گناہ کے دلدل میں دھنسنے کے معنی میں بھی استعمال ہوا ہے۔

مآخذ

• حکیم، محمد سعید، مصباح المنہاج، بی‌جا، موسسة المنار، ۱۴۱۷ق.
• رسالہ توضیح المسائل مراجع، گردآورنده: بنی‌ہاشمی خمینی، قم، دفتر انتشارات اسلامی، چاپ اول، ۱۳۹۲ش.
• عاملی، الدرالمنظوم من کلام المعصوم، قم، موسسہ علمی دارالحدیث، ۱۳۸۴ش.
• فاضل لنکرانی، محمد، ایضاح الکفایة، قم، نوح، چاپ پنجم، ۱۳۸۵ش.
• فیروزآبادی، محمدبن یعقوب، القاموس المحیط، بیروت، دارالکتب العلمیه، ۱۴۱۵ق.
• ہاشمی شاہرودی، محمود، فرہنگ فقہ مطابق با مذاهب اہل بیت، قم، موسسة دائرة المعارف اسلامی، ۱۴۲۶ق.